مصر میں مسلح افراد کا پوسٹ آفس پر حملہ، 14 لاکھ پاؤنڈ لے اڑے

قاہرہ:مصر میں ہالی ووڈ مافیا کی فلم کے ایک سین کی طرح کی کارروائی کی گئی ہے۔غیرملکی خبررساں ادارے کے مطابق3 نقاب پوش افراد نے نیودمیاط پوسٹ آفس پر دھاوا بول دیا، 3 ملازمین کو اسلحہ کے زور پر حراست میں لے لیا ۔ یہ ملازمین کام کے اوقات ختم ہونے پر اپنا کام ختم کر رہے تھے۔

ڈاکوئوں نے ملازمین کو رسیوں سے باندھ دیا۔ پھر انہوں نے آفس سے 14 لاکھ پاؤنڈ لیے اور فرار ہوگئے۔ یہ رقم 46 ہزار ڈالر کے برابر بنتی ہے۔ڈکیتی کی اس واردات کی سی سی ٹی وی فوٹیج سامنے آگئی۔ لگ بھگ مصر کے تمام میڈیا آیوٹ لیٹس سے اس خبر کو نشر کیا۔

پولیس کے مطابق یہ واردات صر ف 7 منٹ کے اندر انجام دی گئی۔ آغاز میں بندوق برداروں نے پولیس سٹیشن کے بالکل ساتھ موجود پوسٹ آفس سنٹر پر دھاوا بولا۔ پہلے ایک سکیورٹی اہلکار پر حملہ کیا گیا پھر تین ملازمین کو یرغمال بنا لیا اور لوٹ مار شروع کردی۔

سیکورٹی سروسز نے اندرونی نگرانی کے کیمروں کے ذریعے بنائی گئی ویڈیو کا جائزہ لیا اور لوٹ مار کرنے والوں کی شناخت کی۔ سکیورٹی اہلکاروں نے کارروائی شروع کی اور سب سے پہلے ایک ملزم کو گرفتار کرلیا۔

اس کے بعد انہوں نے ایک خاتون کو حراست میں لیا ۔ یہ خاتون بھی ڈکیتی کی واردات میں حصہ لے رہی تھی۔