یو اے ای میں شدید بارش، پولیس کا الرٹ جاری

متحدہ عرب امارات میں شدید بارشوں کا سلسلہ جاری ہے، پولیس نے الرٹ جاری کر دیا۔

اماراتی ریاست فجیرہ راس الخیمہ میں شدید بارش ہوئی، شارجہ اور دبئی کے مختلف علاقوں میں بھی ہلکی اور تیز بارش کا سلسلہ جاری ہے۔

متحدہ عرب امارات میں بارش اور سیلاب کا خطرہ بڑھ گیا

دبئی پولیس نے بارش میں شہریوں سے احیتاط کرنے کے لیے الرٹ جاری کرتے ہوئے کہا کہ دبئی اور ابوظبی میں طوفانی بارشیں متوقع ہیں۔

دبئی پولیس نے ہدایت کی ہے کہ بارش میں شہری اپنی حفاظت کو ترجیح دیں، شہری سمندر، پہاڑی علاقوں اور سیلابی علاقوں سے دور رہیں۔

پولیس نے ہدایت کی ہے کہ بارش میں شہری گاڑی چلاتے وقت رفتار کم رکھیں۔