گجرات میں شدید بارش سے نظام زندگی درہم برہم، بارش سے سات افراد بہہ گئے، آئی ایم ڈی کا الرٹ جاری

موربی ضلع میں این ڈی آر ایف کی جانب سے ان سات افراد کا سراغ لگانے کے لیے تلاشی مہم چلائی جا رہی ہے جو ندی پر سیلابی پل کو عبور کرتے ہوئے اپنے ٹریکٹر ٹرالی سمیت بہہ گئے تھے۔

ہندوستانی محکمہ موسمیات (IMD) نے پیر کو ایک انتباہ جاری کیا ہے کہ گجرات میں اگلے 2-3 دنوں میں بھاری سے انتہائی شدید بارش ہوگی۔ گزشتہ دو دنوں سے جاری موسلادھار بارش کے باعث گجرات کے کئی علاقے زیر آب آگئے ہیں جس کی وجہ سے سینکڑوں لوگوں کو محفوظ مقامات پر منتقل ہونا پڑا ہے۔ خاص طور پر نوساری میں شدید سیلاب آیا ہے، جس کی وجہ سے آئی ایم ڈی نے 26 اگست کو ضلع کے لیے “ریڈ الرٹ” جاری کیا ہے۔