اگر بی جے پی اگلا عام انتخابات جیت جاتی ہے تو مستقبل میں ملک میں الیکشن نہیں ہوں گے :ممتا بنرجی

ٹنہ:اپوزیشن جماعتوں کی مشترکہ میٹنگ میں وزیر اعلیٰ ممتا بنرجی نے ملک میں جمہوریت کے امکانات پر تشویش کا اظہار کرتے ہوئے کہا کہ اگر اگلے لوک سبھا انتخابات میں بی جے پی کامیاب ہوگئی تو ملک میں انتخابات دوبارہ نہیں ہوں گے ۔اس کے ساتھ ہی انہو ں نے کہا کہ بنگال میں راج بھون کے ذریعہ متوازی حکومت چلائی جارہی ہے ۔

اگلے لوک سبھا انتخابات میں بی جے پی کا مقابلہ کرنے کے لئے منعقد اپوزیشن جماعتوں کی مشترکہ میٹنگ میں ملک کی بیشتر بڑی اپوزیشن جماعتوں نے شرکت کی ۔بہار کے وزیرا علیٰ نتیش کمار او تیجسوی یادہ کے ذریعہ بلائی گئی اس میٹنگ میں کانگریس کے صدر ملک ارجن سنگھ کھڑکے اور راہل گاندھی بھی موجود تھے ۔
ترنمول کانگریس کے چیرمین ممتا بنرجی کے علاوہ ترنمول کانگریس کے جنرل سیکریٹری ابھیشیک بنرجی، فرہاد حکیم اور ڈیرک اوبرائن بھی میٹنگ میں موجود تھے ۔اپوزیشن جماعتوں کے اجلاس میں ابتدائی طور پر فیصلہ کیا گیا کہ 2024 کے انتخابات میں اپوزیشن متحد ہو کر لڑے گی۔

बैठक के बाद TMC की मुखिया ममता बनर्जी ने कहा, पटना की बैठक में हमने तीन चीजों पर फैसला लिया है@MamataOfficial #MamataBanerjee #Patna #NitishKumar #OppositionMeeting pic.twitter.com/AYmlOu229O

— Anjana Om Kashyap Parody (@NMFNEWS2) June 23, 2023

میٹنگ کے اختتام پر ممتا بنرجی نے کہا کہ بی جے پی ملک بھر میں جو تشدد کر رہی ہے اسے ختم کرنے کے لیے اپوزیشن کو متحد ہونے کی ضرورت ہے ۔انہوں نے کہا کہ ہم اپوزیشن میں نہیں ہیں ۔ ترنمول کانگریس کے لیڈر نے کہا ہم بھی ملک کے شہری ہیں۔ ہمیں بھی برا لگتا ہے جب منی پور جلتا ہے ۔ بی جے پی کی جابر، آمرانہ حکومت ختم ہونی چاہیے ۔

ہمارے یہاں راج بھون سے متوازی حکومت چل رہی ہے ۔ کوئی اس کے خلاف بولتا ہے تو ای ڈی، سی بی آئی کو کام پر لگادیا جاتا ہے ۔ دلت، خواتین، روزگار کی پرواہ نہیں کرتے مزدروں کو سو دن کے پیسے نہیں دئے جارہے ہیں ۔اگر بی جے پی اگلا عام انتخابات جیت جاتی ہے تو مستقبل میں ملک میں الیکشن نہیں ہوں گے ۔