ٹرک میں سے 221 کارٹن غیر ملکی شراب برآمد

حاجی پور، ؛ بہار میں ضلع ویشالی کے بیلسر پولیس آؤٹ پوسٹ کے مكوا گاؤں سے پولیس نے ایک ٹرک میں سے 221کارٹن غیر ملکی شراب کے ساتھ ایک تاجر کو گرفتار کر لیا۔

پولیس ذرائع نے آج یہاں بتایا کہ اطلاع ملی تھی کہ مکو ا گاؤں میں واقع ایک ٹھکانے پر شراب کی کھیپ اتاری جا رہی ہے۔ اسی بنیاد پر پولیس نے کل دیر رات مذکورہ ٹھکانے پر چھاپہ مارا۔ اس دوران ایک ٹرک سے 221 کارٹن ہریانہ میں تیار شدہ غیر ملکی شراب برآمد کی گئی۔ذرائع نے بتایا کہ موقع سے بلیرو پر سوار ایک شراب کاروباری کو گرفتار کیا گیا ہے جس سے پوچھ گچھ کی جا رہی ہے۔