کرناٹک میں جگہ جگہ دیواروں پر سرخ رنگ سے لکھا نظر آ رہا ’جوائن سی آئی ایف‘، پولیس نے درج کیا معاملہ

کرناٹک میں جگہ جگہ دیواروں پر سرخ رنگ سے لکھا نظر آ رہا ’جوائن سی آئی ایف‘، پولیس نے درج کیا معاملہ
پولیس سپرنٹنڈنٹ جی کے متھن کمار کا کہنا ہے کہ اتوار کو شکاری پورہ تعلقہ کے شیرالکوپا پولیس تھانہ میں شہر میں کم از کم 9 مقامات پر ’جوائن سی ایف آئی‘ لکھا پایا گیا تھا۔

تصویر سوشل میڈیاتصویر سوشل میڈیا

کرناٹک میں شیوموگا ضلع کے شیرالاکوپا شہر کے کئی حصوں میں دیواروں پر ایسی عبارت لکھی ہوئی نظر آ رہی ہے، جس پر چہ می گوئیاں شروع ہو گئی ہیں۔ دراصل ممنوعہ پاپولر فرنٹ آف انڈیا (پی ایف آئی) کی طلبا تنظیم کیمپس فرنٹ آف انڈیا (سی ایف آئی) کے تعلق سے کئی جگہ دیواروں پر سرخ رنگ سے لکھا گیا ہے ’جوائن سی ایف آئی‘۔ دیواروں پر لکھی ایسی تحریروں کو دیکھتے ہوئے پولیس نے معاملے پر از خود نوٹس لیا ہے اور معاملہ درج کر کے ملزمین کی تلاش شروع کر دی ہے۔

ایک رپورٹ کے مطابق پولیس سپرنٹنڈنٹ جی کے متھن کمار کا کہنا ہے کہ اتوار کو شکاری پورہ تعلقہ کے شیرالکوپا پولیس تھانہ میں شہر میں کم از کم 9 مقامات پر ’جوائن سی ایف آئی‘ لکھا پایا گیا تھا۔ اس کے بعد پولیس نے از خود نوٹس لیتے ہوئے معاملہ درج کر لیا ہے اور ملزم کی تلاش شروع کر دی گئی ہے۔ پولیس سپرنٹنڈنٹ نے بتایا کہ 28 نومبر کو پولیس گشت کے دوران یہ تحریر دیکھی گئی اور انھیں فوراً مٹا دیا گیا۔