مراٹھواڑہ میں کورونا کے 443 نئے کیسزاور3 افراد ہلاک

اورنگ آباد ، 28 نومبر(یواین آئی) مہاراشٹرا کے خطہ مراٹھواڑہ کے آٹھ اضلاع میں گذشتہ 24 گھنٹوں کے دوران کورونا وائرس (کووڈ ۔19) کے 443 نئے کیسز رپورٹ ہوئے ہیں۔
یہ اطلاع ہیلتھ کے افسران نے ہفتہ کو دی ۔ اسی عرصے کے دوران علاقے میں جان لیوا کوڈ19سے 5 افراد کی موت بھی ہوئی ہے۔

تمام ڈسٹرکٹ ہیڈ کوارٹرز سے جمع کردہ اعدادوشمار کے مطابق ضلع بیڈ میں کورونا اس وائرس کے سب سے زیادہ 56 نئے کیسز سامنے آئے ہیں اور دو افراد کی موت ہوگئی ہے۔ اس کے بعد ضلع جالنہ میں 30 نئے کیسز سامنے آئے ہیں۔ اورنگ آباد میں 159 مقدمات درج ہوئے ہیں اور ایک شخص کی موت ہوگئی ۔ ضلع لاتور میں 93 ، ضلع ناندیڑ میں 68 ، ضلع عثمان آباد میں 21 ، ضلع پربھنی میں 16 اور ضلع ہنگولی میں نو کیسز رپورٹ ہوئے ہیں۔