شاہ جہاں پور میں مزدوروں نے ٹھیکیدار کو پیٹ پیٹ کر مارڈالا

شاہ جہاں پور: اترپردیش میں شاہ جہاں پور کے مدناپر علاقے میں مزدوروں نے ٹھیکیدار کو پیٹ پیٹ کر مارڈالا، جس کی لاش کھیت سے برآمد کی گئی۔

پولیس ذرائع نے آج یہاں بتایا کہ مدناپر برووا گاؤں میں کل شام ٹھیکیدار نریش کشیپ (55) اور وہاں کام کر رہے مزدوروں سے کسی بات پر کر کہا سنی ہو گئی۔ بات بڑھنے پر مزدوروں نے ٹھیکیدار کے ساتھ مارپیٹ کی جس سے اس کی موت ہو گئی۔ واقعہ کے بعد مزدور فرار ہو گئے ۔انہوں نے بتایا کہ اس سلسلے میں رام دیو اور راجارام سمیت پانچ افراد کو نامزد کیا گیا ہے . پولیس قاتلوں کی تلاش کر رہی ہے ۔