امریکہ میں طیارے نے اسکول کے بچوں پر ایندھن گرادیا

امریکا میں طیارے نے انجن میں خرابی کے باعث اسکول کے درجنوں طالبعلموں پر ایندھن گرادیا اور ہنگامی طور پر واپس لاس اینجلس انٹرنیشنل ایئرپورٹ پر اتر گیا۔ فائر حکام نے ایندھن کو ویپر قرار دیا جس سے 56 بچوں اور بڑوں کو جلد اور پھیپڑوں میں معمولی جلن ہوئی تاہم کسی کو ہسپتال لے جانے کی نوبت نہیں اؔٓئی اور انہیں صرف پانی اور صابن نے متاثرہ جگہ دھونے کی ہدایت کی گئی۔

امریکی خبررساں ادارے ایسوسی ایٹڈ پریس کی رپورٹ کے مطابق لاس اینجلس سے شنگھائی جانے والی ڈیلٹا ایئر لائنز کی فلائٹ نمبر 89 کے پرواز کرنے کے چند منٹ بعد ہی اس کے انجن میں خرابی پیدا ہوگئی۔

پائلٹ کی ایئر ٹریفک کنٹرول کے ساتھ ہونے والی گفتگو کے مطابق پائلٹ نے کہا کہ ’ڈیلٹا89 دائیں انجن پر اسٹال جس سے جہاز بھاری ہوگیا ہے‘۔

@InternetTodayTV Hoping to see this on the next WWN : https://t.co/uwTPXfepzv

— Tunisian Eagle (@PeeBreakGMS) January 15, 2020

واضح رہے کہ کسی قسم کی فنی خرابی یا کسی پرندے کے ٹکرانے کی وجہ سے ٹربائن کو نقصان پہنچے سے اسٹال بن جاتا ہے جس سے انجن میں ایندھن کی کھپت کم ہوجاتی ہے۔

مذکورہ بات چیت میں پائلٹ سے پوچھا گیا کہ کیا وہ پرواز جاری رکھتے ہوئے سمندر میں تیل گرانا چاہتا ہے لیکن انہوں نے انکار کردیا بظاہر انہوں نے اپنا ذہن تبدیل کرلیا تھا کہ اتنا بھاری ہونے کی صورت میں جہاز کہاں بحفاظت اتر سکتا ہے۔

جہاز سے ایندھن 2 دھاروں نکلا اور لاس اینجلنس کے آس پاس کے علاقوں میں چھڑکاؤ کی صورت میں گر گیا۔

اس حوالے سے لاس اینجلس کاؤنٹی فائر ڈپارٹمنٹ نے بتایا کہ ’تیل 5 ایلمنٹری اسکولوں پر بھی گرا تاہم اسے ہونے والے زخم بہت معمولی ہیں‘۔