امریکہ کی بے رحمانہ پابندیوں کی زد میں آرہے ہیں تھیلیسیمیا میں مبتلا ایرانی شہری

ایک امریکی ویب سائٹ نے بھی کہہ دیا ہے کہ واشنگٹن کے دعووں کے برخلاف، امریکہ پیچیدہ بیماریوں میں مبتلا ایرانی شہریوں تک ضروری ادویات پہنچنے نہیں دے رہا ہے۔

 امریکی ویب سائٹ انٹرسیپٹ کے مطابق، ایران کی تھیلیسیمیا سوسائٹی نے امریکہ کے ریاست اوریگان کی فیڈرل عدالت میں امریکی حکومت اور اوفیک ادارے کے خلاف ایک کیس درج کیا ہے۔ شکایت نامے میں درج ہے کہ واشنگٹن ایران میں موجود تھیلیسیمیا میں مبتلا بیماروں تک ادویات پہنچنے نہیں دے رہا ہے۔

ایران کی تھیلیسیمیا سوسائٹی کے شکایت نامے میں آیا ہے کہ امریکی حکومت کے دعووں کے برخلاف کہ انسان دوستانہ امداد اور ادویات کے شعبے میں ایران پر کسی بھی قسم کی پابندی نہیں لگائی گئی ہے، وائٹ ہاؤس نے بینکنگ سسٹموں پر پابندی لگا کر مذکورہ بیماری میں مبتلا ایرانیوں کی، ضروری ادویات تک دسترسی کو مکمل طور پر روک دیا ہے۔

The director of the Iranian Thalassemia Society declares the lives of some 10,000 patients suffering from the blood disorder are at risk due to the shortages of medicine induced by the US sanctions. pic.twitter.com/JfajKe9uCU

— SNN (@snntv_en) June 2, 2023

ایران کی تھیلیسیمیا سوسائٹی نے شکایت کی ہے کہ امریکی پابندیوں کے خوف سے اس بیماری کی مخصوص ادویات بنانے والی کمپنیاں ایران کے ساتھ تعاون کرنے سے انکار کر رہی ہیں جس کے نتیجے میں اب تک خون کی اس بھیانک بیماری میں مبتلا ہزاروں شہری یا تو اپنی جان سے ہاتھ دھو بیٹھ چکے ہیں یا پھر انہیں ناقابل تلافی جسمانی نقصان پہنچا ہے۔

قابل ذکر ہے کہ تھیلیسیمیا، خون کی قلت کی ایک بیماری ہے جو کہ جینیاتی طریقے سے منتقل ہوتی ہے۔ بڑے ہونے کے ساتھ ساتھ اس بیماری میں مبتلا افراد کے چہرے کی ہڈیوں میں غیرمتوازن تبدیلی آنے لگتی ہے اور لیور اور تلی بری طرح متاثر ہوجاتے ہیں۔

یاد رہے کہ ایران کے میڈیکل شعبے پر عائد امریکی پابندیوں کے نتیجے میں گذشتہ ایک سال کے دوران تھیلیسیمیا میں مبتلا چھے سو باسٹھ بیماروں کی جان جا چکی ہے۔