عراق: نواردات کی اسمگلنگ کے جرم میں برطانوی شہری کو 15 سال قید

بغداد: عراق کی عدالت نے ایک 66 سالہ برطانوی شہری کو نوادرات ملک سے باہر اسمگل کرنے کے الزام میں 15 سال قید کی سزا سنائی ہے۔

عالمی میڈیا کے مطابق جِم فٹن اور ایک جرمن شہری وولکر والڈمین کو 20 مارچ کو بغداد کے ہوائی اڈے پر اُس وقت گرفتار کیا گیا جب ایئرپورٹ سکیورٹی نے ان کے سامان میں نواردات دریافت کیں۔ دونوں افراد ملک کے قدیم مقامات سے متلق سیاحتی مہم کا حصہ رہے تھے۔

علاوہ ازیں وولکر اور جِم کے ٹور گائیڈ کو بھی گرفتار کیا گیا جو کہ خود بھی 80 سالہ برطانوی شہری تھے۔ ٹور گائیڈ کے پاس سے نواردات کے 20 نمونے برآمد ہوئے تاہم بیماریوں میں مبتلا ٹور گائیڈ پولیس کی تحویل کے دوران ہی انتقال کرگئے۔
جِم فٹن کے وکیل دفاع نے عدالتی فیصلے پر موقف اپنایا کہ 66 سالہ جم فٹن کا کوئی مجرمانہ ارادہ نہیں تھا۔

فٹن کے وکیل طاہر سعود نے کہا کہ مجھے تو لگتا تھا کہ جم فٹن کو اس غلطی پر حد سے حد معطلی کے ساتھ ایک سال کی سزا ہوگی۔