اسرائیلی فوج کی غزہ میں بدترین جارحیت، مزید 112 فلسطینی شہید

اسرائیلی فوج کی غزہ میں بدترین جارحیت جاری ہے، 24گھنٹے میں مزید 112 فلسطینی شہید ہوگئے۔ نیوز کے مطابق صیہونی فوج کی رات بھر رفح کے رہائشی علاقوں پر بمباری سے 50 فلسطینی شہید ہو گئے۔

اسرائیل کے حملوں سے غزہ میں شہدا کی مجموعی تعداد 28 ہزار 176 ہو گئی، جبکہ 67 ہزار 784 افراد زخمی ہو چکے ہیں۔ ادھر اسرائیلی وزیراعظم کا کہنا تھا کہ رفح میں زمینی آپریشن کے دوران حماس کو مکمل ختم کر دیں گے۔

حماس نے کہا کہ اسرائیل کا زمینی آپریشن یرغمالیوں کی رہائی پربات چیت ختم کردےگا، عرب لیگ کے مطابق رفح میں زمینی کارروائی خطرناک نتائج کاباعث بنے گی۔