ایرانی سیکیورٹی چیف علی لاریجانی کو نشانہ بنانے کا اسرائیلی دعویٰ

اسرائیلی میڈیا نے دعویٰ کیا ہے کہ اسرائیلی فوج نے ایرانی سیکیورٹی چیف علی لاریجانی کو نشانہ بنایا ہے۔

رپورٹس کے مطابق فی الحال یہ واضح نہیں کہ علی لاریجانی اس حملے میں شہید ہوئے ہیں یا زخمی۔

ایرانی میڈیا کا کہنا ہے کہ بہت جلد ایرانی سیکیورٹی چیف علی لاریجانی کا پیغام جاری کیا جائے گا۔

ایران کے دارالحکومت تہران میں زور دار دھماکوں کی آوازیں سنی گئی ہیں۔

غیر ملکی خبر ایجنسیوں کے مطابق دھماکے شہر کے مرکزی علاقوں میں محسوس کیے گئے، تاہم ابھی یہ واضح نہیں کہ کن مخصوص مقامات کو نشانہ بنایا گیا۔

اس واقعے نے خطے میں کشیدگی کو مزید بڑھا دیا ہے، جبکہ تہران میں شہریوں اور سیکیورٹی اداروں کے درمیان بھی ہلچل جاری ہے۔