اسرائیل کا امداد کے داخلے کیلئے شمالی غزہ میں نئی کراسنگ کھولنے کا دعویٰ

اسرائیل نے دعویٰ کیا ہے کہ امداد کے داخلے کے لیے شمالی غزہ میں ایک نئی کراسنگ کھول دی ہے۔عرب میڈیا کے مطابق اسرائیلی فوج نے غزہ شہر پر حملے تیز کر دیے ہیں۔

اسرائیلی حملوں میں صبرا میں 3 اور شجاعیہ میں ایک فلسطینی شہید ہو گیا ہے۔عرب میڈیا کا کہنا ہے کہ اسرائیل نے جبالیہ پناہ گزیں کیمپ میں فوجیں واپس بھیج دیں، جنوبی اور وسطی رفح میں اسرائیلی فضائی حملوں کا سلسلہ جاری ہے۔

رفح میں ایک گھر پر اسرائیلی حملے میں بچی سمیت 4 افراد شہید ہو گئے۔

فلسطینی سول ڈفینس کے مطابق تباہ عمارت تک پہنچنے کی کوشش کرنے والے امدادی کارکنوں پر اسرائیلی ڈرونز سے فائرنگ کی گئی۔