جاپان کے آئی  اسپیس نے چاند پر لینڈنگ کی ناکامی کی تصدیق کی

 ٹوکیو: جاپان کے ٹوکیو میں خلائی اسٹارٹ اپ اسپیس نے جمعہ کی صبح لینڈر سے رابطہ منقطع ہونے کے بعد اپنے چاند لینڈنگ مشن کی ناکامی کی باضابطہ طور پر تصدیق کی ہے۔

آئی  اسپیس نے مشن کے خاتمے کا اعلان جاپان کے وقت کے مطابق صبح 9:00 بجے کے بعد منعقدہ ایک پریس کانفرنس میں اس بات کا تعین کرنے کے بعد کیا کہ لینڈر کے ساتھ رابطہ دوبارہ شروع کرنا اب ممکن نہیں رہا۔

جنوری میں فلوریڈا سے لانچ ہونے والا یہ لینڈر چاند کے مدار میں کامیابی کے ساتھ داخل ہوا اور آج صبح 3 بجے کے قریب 100 کلومیٹر کی بلندی سے اترنا شروع کردیا۔ اسے  صبح  4:17  بجے مارے فریگورس کے قریب ایک ہموار مقام پر  سافٹ لینڈنگ کرنی تھی، جسے   چاند کے شمالی نصف کرہ میں ’کولڈ سی‘ کے نام سے بھی جانا جاتا ہے۔

آئی اسپیس نے کہا کہ تاہم اس نے صبح 4:30 بجے تک لینڈر کے ساتھ رابطہ قائم نہیں کیا تھا اور صورتحال کا جائزہ لینا شروع کر دیا تھا۔ ٹیم نے یہ نتیجہ اخذ کیا کہ مشن سافٹ لینڈنگ کرنے میں کامیاب نہیں ہوا۔