مرزا پور میں جیپ کی ٹکر میں دو افراد ہلاک

مرزاپور:اترپردیش میں مرزاپور کے اہرورا علاقے میں ایک تیز رفتار جیپ کی ٹکر سے دو افراد ہلا ک ہوگئے ۔پولیس ذرائع نے بتایا سونپور گاؤں کا رہنے والا ببلو پال(28)پیر کو ادل ہاٹ علاقے کے سہوا گاؤں گیا تھا۔

اسی گاؤں میں اس کی سسرال بھی تھی۔وہ منگل کی شام اپنی سالی گڑیا(20)کو موٹرسائکل پربٹھاکر اپنے گھر واپس لوٹ رہاتھا۔اس دوران روس نہر کے نزدیک موٹرسائکل کو ایک تیز رفتار جیپ نے ٹکر ماردی۔اس حادثے میں دونوں شدید طورپر زخمی ہوگئے ۔ذرائع نے بتایا کہ زخمیوں کو علاج کے لئے اسپتال میں داخل کرایا گیا ،جہاں ڈاکٹروں نے انہیں مردہ قرار دے دیا۔پولیس نے جیپ کو قبضے میں لے لیا ہے ۔ڈرائیور فرار ہے ۔لاشیں پوسٹ مارٹم کے لئے بھیج دی گئی ہیں۔