جھارکھنڈ میں کورونا کے 2499 نئے مریض پائے گئے، 4266 ٹھیک ہوئے، چھ کی موت

رانچی، 18 جنوری (یو این آئی) جھارکھنڈ میں گزشتہ 24 گھنٹوں کے دوران 4266 مریض کورونا سے ٹھیک ہوئے ہیں اور 2499 نئے کیس سامنے آئے ہیں جن میں سے 6 مریضوں کی موت ہو گئی ہے۔

محکمہ صحت کے مطابق رانچی سے 584، بوکارو سے 132، چترا سے 100، دیوگھر سے 87، دھنباد سے 73، دمکا سے 165، مشرقی سنگھ بھوم سے 591، گڑھوا سے 29، گریڈیہ سے 13، گوڈا سے 71، گملا سے 55، ہزاری باغ سے 27، جامتاڑا سے 11، کھونٹی سے 111، کوڈرما سے 33، لاتیہار سے 49، لوہردگا سے 31، پاکور سے تین، پالامو سے 87، رام گڑھ سے 30، صاحب گنج سے 37، سرائی کیلا سے 93 اور سمڈیگا سے 31،مغربی سنگھ بھوم سے 56 کورونا کے نئے مریض پائے گئے ہیں۔ ریاست کے مشرقی سنگھ بھوم میں کورونا کی وجہ سے چھ لوگوں کی موت ہوئی ہے۔

اس کے ساتھ ہی، ریاست میں کووڈ-19 کے کیسوں کی کل تعداد اب بڑھ کر 407808 ہو گئی ہے اور کل 19042308 نمونوں کی جانچ کی گئی ہے۔ ریاست میں کورونا کے 29974 زیر علاج مریض ہیں جبکہ ریاست میں اب تک کورونا کے 372625 مریض ٹھیک ہو چکے ہیں۔ ریاست میں کورونا سے اب تک 5209 مریضوں کی موت ہو چکی ہے۔