اننت ناگ کے جنگلات میں تصادم، دو جنگجو ہلاک

سری نگر، 28 مئی (یو این آئی) جنوبی کشمیر کے ضلع اننت ناگ کے جنگلات میں منگل کو ہونے والے ایک مسلح تصادم میں دو جنگجو مارے گئے۔

سرکاری ذرائع نے بتایا کہ ضلع اننت ناگ کے کچھون جنگلات میں جنگجوئوں کی موجودگی سے متعلق خفیہ اطلاع ملنے پر فورسز نے منگل کے روز مذکورہ علاقہ میں تلاشی آپریشن شروع کیا۔

انہوں نے بتایا کہ تلاشی آپریشن کے دوران طرفین کے درمیان تصادم چھڑ گیا جس میں دو جنگجو مارے گئے۔
انہوں نے مزید بتایا کہ مارے گئے جنگجوئوں کی لاشیں برآمد کرکے شناخت کا عمل شروع کیا گیا ہے۔