کھڑگے اور راہل نے نہرو کو ان کی یوم پیدائش پر کیا خراج عقیدت پیش

 نئی دہلی، 14 نومبر (یو این آئی) کانگریس صدر ملکارجن کھڑگے اور سابق صدر راہل گاندھی نے آج  ہندوستان کے پہلے وزیر اعظم پنڈت جواہر لال نہرو کو ان کی یوم پیدائش پر خراج عقیدت پیش کیا۔

مسٹر کھڑگے نے پنڈت جواہر لال نہرو کے واقعہ’’شہریت، ملک کی خدمت میں ہوتی ہے۔‘‘ کا حوالہ دیتے ہوئے کہا کہ ’’ہندوستان کو صفر سے عروج پر پہنچانے والے، جدید ہندوستان کے معمار، جمہوریت کے نڈر محافظ اور ہمارے لئے تحریک کا سرچشمہ پنڈت جواہر لال نہرو جی کے یوم پیدائش پر عاجزانہ خراج عقیدت ۔‘‘

انہوں نے کہا ’’پنڈت نہرو کے ترقی پسند خیالات نے تمام چیلنجوں کے باوجود ہندوستان کی سماجی، سیاسی اور اقتصادی ترقی کو آگے بڑھایا اور ملک کے لوگوں کو ہر لمحہ بغیر کسی تفریق کے، ملک کو سب سے پہلے رکھنے کی ترغیب دی۔‘‘

اس کے ساتھ ہی مسٹر کھڑگے نے پنڈت نہرو پر بنائی گئی ایک ویڈیو بھی پوسٹ کی ہے جس میں وہ خوف کو انسانیت کا سب سے بڑا دشمن بتا رہے ہیں۔ قبل ازیں مسٹر کھڑگے نے یہاں پنڈت نہرو کو خراج عقیدت پیش کرنے کے لیے ان کی سمادھی شانتی ون کا بھی دورہ کیا۔

مسٹر گاندھی نے کہا ’’پنڈت جواہر لال نہرو ایک وژن ہیں – آزادی، ترقی، انصاف کا۔ مادر ہندوستان  کو آج اپنے ’ہند کے جواہر‘ کی ان اقدار کی ضرورت ہے، ایک نظریے کی طرح، ہر دل میں۔‘‘