بانسری کے بادشاہ ہری پرساد چورسیا

 موسیقی کے معاملے میں ہندستان کی سرزمین یو ں تو بہت ذرخیز کہی جاسکتی ہے اور اس عظیم سرزمین ہندستان پر متعدد معتبر ہستیاں دنیا میں اپنی صلاحیتوں کا لوہا منوا چکی ہیں۔ ان ہی عظیم فنکار ہستیوں میں ہری پرساد چورسیا کا بھی شمار ہوتا ہے ۔ جنہوں نے اپنی بانسری کی دھن سے ایک زمانے تک اپنے سامعین کا دل جیتا۔

پنڈت ہری پرساد چورسیا کی پیدائش یکم جولائی 1938ء کو اترپردیش کی ریاست الہ آباد میں ہوئی۔ جس وقت ان کی عمر محض 6 برس تھی ان کی ماں انتقال ہوگیا تھا۔ انہوں نے موسیقی کا فن اپنے والد کے علم میں لائے بغیر اپنے ایک دوست کے گھر پر سیکھا۔ ان کے والد کو پہلوانی کا بہت شوق تھا اور وہ ان کو بھی پہلوان بنانا چاہتے تھے اور وہ انہیں اپنے ساتھ اکھاڑہ بھی لے جایا کرتے تھے ۔ لیکن ان کی طبیعت موسیق کی طرف مائل تھی۔

Ahead of 'Parampara – A Guru Purnima Special', Pandit Hariprasad Chaurasia shares the significant influence his guru had on his life. Experience a captivating flute recital featuring him and Rakesh Chaurasia on July 1st, 7:30 pm.
Book your tickets now on https://t.co/k2phrES7gn pic.twitter.com/rM95i1CRwA

— Nita Mukesh Ambani Cultural Centre (@nmacc_india) June 29, 2023

چورسیا نے اپنی موسیقی کی تعلیم اپنے پڑوسی راجہ رام کے گھر پر لی۔ اس وقت ان کی عمر 15 برس تھی اور کم عمری میں ہی اس فن میں مہارت حاصل کرنی شروع کردی تھی۔ آہستہ آہستہ انہوں نے اس فن کو اپنا پیشہ بنالیا ۔
انہوں نے 1957میں آل انڈیا ریڈیو (کٹک) اڑیسہ میں کام کرنا شروع کیا۔ اس کے بعد وہ آل انڈیا ریڈیو سے منسلک رہے ۔ اور انا پورنا دیوی سے مسلسل مدد لیتے رہے ۔ وہ انہیں اپنی موسیقی کا گرو مانتے ہیں۔ اپنی گرو ماں شریمتی اَنّا پُرنا دیوی سے اور اپنے والد پنڈت شری لال پہلوان جیسی شخصیات سے وہ خاص طور پر متاثر رہے ۔

پنڈت چورسیا نے کملا اور انورادھا سے شادی کی۔ ان کے تین بیٹے ونے ، اجے اور راجیو ہیں ۔ ان کی چار پوتیاں اور ایک پوتا ہے ۔

پنڈت ہری پرساد چورسیا کو بانسری بجانے کا شوق تو ہوش سنبھالتے ہی ہو گیا تھا اور وہ ایسے ہی دل کو بہلانے کے لیے بانسری بجایا کرتے تھے ۔ ان کی بانسری سے لوگ بہت متاثر تھے ۔ تب لوگوں نے ان کے فن کے داد دی اور انہیں اس بات کے لئے ذہنی طور پر تیار کیا کہ تم بہت اچھی بانسری بجاتے ہو، اس میں اور شوق کو پورا کرنے کے لئے تھوڑی سے محنت کرکے تم ضرور نام کماؤ گے ۔ یہ بات ان کے دل میں اتر گئی اور انہوں نے اسے سیکھنے کی کوشش شروع کر دی اور آج بھی میری یہ کوشش جاری ہے ۔

پنڈت ہری پرساد چورسیا نے بانسری کی تربیت اپنی انا پورنا دیوی سے حاصل کی جو آکاش گنگا میں رہتی ہیں اور پنڈت ہری پرساد چورسیا کی گرو ماں بھی کہلاتی ہیں۔ اَنّا پورنا دیوی ستار اور سُربہار نواز ہیں اور آں جہانی استاد علاؤ الدین کی بیٹی ہیں۔ اُستاد علاؤ الدین جی کے شاگرد تھے ۔ پنڈت ہری پرساد چورسیا آج بھی اپنی گرو ماں کے پاس جاتے ہیں اور اُن سے آشیر واد لیتے ہیں اور ان سے بانسری سیکھتے ہیں۔

پنڈت ہری پرساد چورسیا نے بانسری کا بہت سی فلموں میں استعمال کیا گیا۔ انہوں نے موسیقار کے طور پر بھی کئی فلمیں کی ہیں، جیسے چاندنی، فاصلے ، لمحے ، سلسلہ، وجے ، پرم پرا، ٹونٹی سیون ڈا[؟]ن، صاحباں، ڈر وغیرہ۔ ان نغموں کو سننے والوں نے خوب پسند بھی کیا لیکن وہ اب مکمل طور پر کلاسیکی سنگیت سے جڑئے ہوئے ہیں۔ پنڈت چورسیا نے سنگیت سکھانے کے لیے ورنداون کے نام سے ایک اکیڈمی قائم کی ہے ۔ اس میں تمام ہندستان سے اور باہر کے ممالک سے بھی طالب علم آتے ہیں اور بانسری سیکھتے ہیں، سنگیت کی تعلیم لیتے ہیں۔

پنڈت جی کے شاگردوں کی تعداد ساری دُنیا میں ہے ۔ یہ ان کی سرپرستی بھی کرتے ہیں۔ اسی لیے انہوں نے ‘گروکل’ کھولا ہے ، جسے ورنداون کہتے ہیں۔ ایک تو ممبئی شہر میں ہے اور دوسرا اڑیسہ کے بھوبنیشور شہر میں ہے ۔ اُس کو بھی ورنداون ہی کہتے ہیں۔ تو ان اکیڈمیوں میں ساری دُنیا سے لوگ آتے ہیں اور بانسری کی تعلیم لیتے ہیں۔

پنڈت ہری پرساد چورسیا کے خیالات بھی بہت وسیع نظر آتے ہیں ۔ وہ ناموری اور اعزات حاصل کرنے سے زیادہ اس بات کو ترجیح دیتے ہیں کہ سب سے بڑا اعزاز تو لوگوں کے دلوں میں عزت اور احترام ہے ۔ ان کا خیال ہے کہ بانسری، صرف بانسری ہی نہیں بلکہ مجموعی طور پر سنگیت کے لیے حکومت کو اقدامات کرنے چاہییں اور اسکولوں اور کالجوں میں بطور ایک مضمون کے طور پر اسے بھی اہمیت دینی چاہیے تاکہ لوگوں کے دلوں میں ہارمنی کی قدر ہو۔ سنگیت لوگوں کو ایک دوسرے کے قریب لانے میں اہم کردار ادا کر سکتا ہے ، آپس کی نا اتفاقی دور ہو سکتی ہے ، سنگیت میں حصہ لیں گے تو دل کو بھی سکون ملے گا اور آپس میں لوگ مل جُل کر رہیں گے ۔

ہری پرساد چورسیا کا شمار دنیا کے نامور ترین بانسری نوازوں میں ہوتا ہے ۔ ان کو کئی اعزازات سے نواز گیا جن میں پدم بھوشن، پدم وبھوشن وغیرہ وغیرہ۔
انہیں 1984 میں سنگیت ناٹک اکیڈمی ایوارڈ، 1992 میں کونارک سمان ، 1992میں ہی پدم بھوشن ایوارڈ ، اس کے بعد 1994 میں یش بھارتی سمان، پھر سال2002 میں پدم وبھوشن خطاب، اس کے بعد 2015 میں پنڈت چتر لال ایکسی لینسی ایوارڈجیسے متعد د ایوارڈز سے سرفراز کیا گیا۔