سعودی بادشاہ کی اسپتال سے چھٹی

سعودی فرمانروا شاہ سلمان بن عبدالعزیز کو صحت یاب ہونے کے بعد کنگ فیصل اسپیشلسٹ ہاسپتال سے ڈسچارچ کردیا گیا۔

سعودی پریس ایجنسی (ایس پی اے) کے مطابق شاہی محل سے جاری بیان میں کہا گیا کہ ‘شاہ سلمان کو صحتیاب ہوجانے پر ریاض کے کنگ فیصل اسپتال سے 30 جولائی کو رخصت کیا گیا۔’

واضح رہے کہ 23 جولائی کو شاہ سلمان بن عبدالعزیز کی اسپتال میں پتے کی کامیاب سرجری کی گئی تھی۔

#فيديو| #خادم_الحرمين_الشريفين يغادر المستشفى بعد أن منّ الله عليه بالصحة والعافية.
حفظ الله خادم الحرمين الشريفين ووقاه من كل مكروه ومتّعه بالصحة والعافية.#واس pic.twitter.com/dQFFPF48Mo

— واس الأخبار الملكية (@spagov) July 30, 2020

اس حوالے سے سعودی رائل کورٹ سے جاری بیان میں کہا گیا تھا کہ ریاض میں واقع کنگ فیصل اسپیشلسٹ اسپتال میں پِتّہ نکالنے کے لیے شاہ سلمان کی ‘لیپرواسکوپک’ سرجری ہوئی۔

بیان میں کہا گیا کہ سعودی فرمانروا ‘کامیاب’ سرجری کے بعد کچھ وقت کے لیے اسپتال میں رہیں گے۔

شال سلمان 20 جولائی کو پتے میں سوزش کے باعث ‘کچھ میڈیکل ٹیسٹس’ کے لیے اسپتال میں داخل ہوئے تھے۔

بعد ازاں 21 جولائی کو سرکاری میڈیا کی جانب سے جاری کردہ ویڈیو میں شاہ سلمان کو اسپتال سے کابینہ کے ورچوئل اجلاس کی سربراہی کرتے ہوئے دکھایا گیا تھا۔

ظاہری طور پر ویڈیو کا مقصد شاہ سلمان کی صحت سے متعلق افواہوں کو دور کرنا تھا۔

مزید پڑھیں: سعودی شاہ کی طبیعت ناساز، ہسپتال منتقل

خیال رہے کہ 84 سالہ شاہ سلمان، کورونا وائرس کی عالمی وبا اور خام تیل کی قیمتوں میں کمی کے جڑواں علاقائی بحرانوں کے دوران کویت کے شیخ الصباح الاحمد الجابر الصباح کے بعد خلیج میں اسپتال میں داخل ہونے والے دوسرے بادشاہ ہیں۔

وہ 2015 سے تیل کے سب سے بڑے برآمد کنندہ اور عرب دنیا کی سب سے بڑی معیشت پر حکمرانی کر رہے ہیں۔