کوشامبی:کار پلٹنے سے چار زخمی

کوشامبی: اترپردیش کے ضلع کوشامبی کے کوکھراج علاقے میں بدھ کو ایک تیز رفتار کار کے پلٹنے سے اس میں سوار چار ٹیچر شدید طور سے زخمی ہوگئے۔

پولیس ذرائع نے بتایا کہ ہمیر پور ضلع کے چار ٹیچر کار سے یوپی بورڈ دفتر پریاگ راج کسی کام سے جارہے تھے کہ کانپور پریاگ راج قومی ہائی وے میں سکاڑا گاؤں کے نزدیک کار بے قابو ہوکر ڈیوائیڈر سے ٹکرا کر سڑک کے کنارے پلٹ گئی۔

انہوں نے بتایا کہ زخمیوں کو ضلع اسپتال میں منجھنپور میں داخل کرایا گیا ہے جہاں چاروں کی حالت خطرے سے باہر بتائی گئی ہے۔