كووند نے یوم کارگل پر شہیدوں کو کیا سلام

نئی دہلی، 26 جولائی ( یواین آئی) صدر جمہوریہ رام ناتھ كووند نے یوم فتح کار گل کے 20 سال پورے ہونے کے موقع پر شہیدوں کو سلام کرتے ہوئے کہا ہے کہ ہم ان کے زندگی بھر احسان مند رہیں گے۔

مسٹر كووند اس موقع پر دراس یادگار پر شہیدوں کو خراج عقیدت پیش کرنے جائیں گے ۔ صدر جمہوریہ نے یادگار پر خراج عقیدت پیش کرنے جانے سے قبل جمعہ کو ٹوئٹر کے لکھا ’ یوم فتح کارگل ‘ ہمارے ملک کے لئے 1999 میں کارگل کی چوٹیوں پر اپنی مسلح افواج کی بہادری کو یاد کرنے کا دن ہے۔ ہم اس موقع پر، ہندوستان کی حفاظت کرنے والے بہادروں کے صبر اور بہادری کو سلام کرتے ہیں ہم سبھی شہیدوں کے زندگی بھر احسان مند رہیں گے ۔ جے ہند۔