پرتاپ گڑھ: اتر پردیش میں پرتاپ گڑھ ضلع ہیڈکواٹر سے پچاس کلو میٹر دور تھانہ آسپور دیوسرہ پولیس نے آج صبح چیکنگ کے دوران اسمگلنگ کر کے لائی گئی لاکھوں روپے کی قیمت کی شراب برآمد کی ہے ۔ اس سلسلہ میں ایک اسمگلر کو بھی گرفتار کیا گیاہے ۔
ایس ایچ او راج کیشور نے بتایا کہ آج صبح چیکنگ کے دوران کلائی گاؤں کے نزدیک اسمگلنگ کے ذریعہ لائی گئی شراب ٹرک سے اتار کر پک اپ گاڑی میں لوڈ کرتے وقت 550 پیٹی شراب برآمد کی گئی اور ایک اسمگلر مہیش مشرا کو گرفتار کیا گیا ۔ برآمد شراب کی قیمت 20 لاکھ روپیہ ہے ۔ سنگین دفعات کے تحت کیس درج کرلیا گیا ہے اور گرفتار ملزم سے پوچھ تاچھ کی جارہی ہے ۔
