ایل ایم وی لائسنس ہولڈرز 7,500 کلوگرام سے کم وزنی گاڑیاں چلانے کے حقدار ہیں

 نئی دہلی: سپریم کورٹ نے آج کہا کہ لائٹ موٹر وہیکل (ایل ایم وی) لائسنس ہولڈر 7500 کلوگرام سے کم وزنی سامان یا مسافر گاڑیاں بھی چلا سکتے ہیں۔

چیف جسٹس ڈی وائی چندرچوڑ اور جسٹس رشی کیش رائے، پی ایس نرسمہا، پنکج متھل اور منوج مشرا کی بنچ نے فیصلہ سناتے ہوئے کہا کہ اس سےہلکی موٹر گاڑیوں کے مالکان کو اپنےبیمہ کا دعویٰ کرنے میں مدد ملے گی،جو  7500 کلو گرام سے زیادہ وزن کی گاڑی چلاتے ہیں۔بنچ نے کہا کہ اس دلیل کے خلاف کوئی ڈیٹا پیش نہیں کیا گیا ہے۔

بنچ کے فیصلے کے اقتباسات پڑھتے ہوئے، جسٹس رائے نے کہا کہ لائسنسنگ نظام ہمیشہ کے لیے ایک جیسا نہیں رہ سکتا کیونکہ اسے توقع تھی کہ موجودہ خامیوں کو دور کرنے کے لیے قانون میں مناسب ترامیم کی جائیں گی۔

سڑک کی حفاظت کو عالمی سطح پر ایک سنگین عوامی مسئلہ قرار دیتے ہوئے سپریم کورٹ نے کہا کہ ہندوستان میں سڑک حادثات کی وجہ سے 1.7 لاکھ افراد ہلاک ہوچکے ہیں۔