لوک سبھا نے بھارت چھوڑو تحریک کے جنگجوؤں کو خراج عقیدت پیش کیا

 نئی دہلی،  9 اگست (یو این آئی) لوک سبھا نے آج بھارت چھوڑو تحریک کی یاد میں انقلابیوں  کی قربانیوں  کو یاد کرتے ہوئے  ان کے تئیں اپنے احترام کا اظہار کیا۔

لوک سبھا اسپیکر اوم برلا نے ایوان کی کارروائی شروع ہوتے ہی ارکان کو یہ اطلاع دی اور جنگجوؤں کو خراج عقیدت پیش کرتے ہوئے ان کے احترام میں خاموشی اختیار کی۔

انہوں نے کہا کہ آج پورا ملک بھارت چھوڑو تحریک کی 82 ویں سالگرہ منا رہا ہے۔ 1942 میں آج کے دن بابائے قوم مہاتما گاندھی نے پورے ملک کو متحد ہونے کی دعوت دیتے ہوئے ہم وطنوں کو کرو یا مرو کا منتر دیتے ہوئے بھارت چھوڑو تحریک کا نعرہ دیا تھا۔

نوجوان خواتین اور پورے ملک نے متحد ہو کر اس تحریک میں حصہ لیا اور برطانوی حکومت کے اختیارات کے خلاف مجاہد  آزادی کی یکجہتی کا مظاہرہ کیا۔ ایوان ان نظریات اور اقدار کے لیے اپنے احترام کا اظہار کرتا ہے جن کے لیے مجاہدین آزادی  نے اپنی جانوں کا نذرانہ پیش کیا۔