پرینکا گاندھی نے لکھنو والوں کا دل جیت لیا،زبردست خیر مقدم

اترپردیش کانگریس میں جان پھونکنے کے لئے پیر کو نوابوں کی نگری پہنچی پارٹی جنرل سکریٹری پرینکا گاندھی واڈرا کا جادو سر چڑھ کر بولا۔ جنرل سکریٹری کے طور پر عملی سیاست میں قدم رکھنے والی پرینکا کا استقبال لکھنؤ کے باشندوں نے نہایت ہی پرجوش انداز میں کیا حالانکہ روڈ شو کی وجہ سے جام بھیڑ اور روٹ کی تبدیلی کی وجہ سے آمدورفت میں کافی دقتوں کا سامنا کرنا پڑا۔

یہاں ایئر پورٹ پر دوپہر12:45 بجے تک پرینکا کے استقبال کے لئے کانگریس کا عام سے لیکر

خاص کارکن صبح آٹھ بجے سے ہی اپنی پلکیں بچھائے ہوئے تھا۔ کانگریس لیڈر کی ایک جھلک پانے کو بے قرار کارکنوں کی بھیڑ کو قابو میں کرنے کے لئے سیکورٹی اہلکاروں کو سخت مشقتوں کا سامنا کرنا پڑا۔ چہرے پر روایتی مسکان کے ساتھ پرینکا نے ایئرپورٹ پر موجود لیڈروں اور کارکنوں کے استقبال کو قبول کیا جس کے بعد وہ اپنے بھائی وکانگریس صدر راہل گاندھی اور پارٹی جنرل سکریٹری جیوتی رادتیہ سندھیا کے ساتھ روڈ شو کے لئے تیار گاڑی کے چھت پر سوار ہوگئیں۔

Pandit Dinesh Sharma from Jind, Haryana,claims he has been barefoot since 7 years & will be until @RahulGandhi becomes PM. Seen here fluttering the Congress party's flag in Lucknow during #PriyankaUPRoadshow pic.twitter.com/h1Ch5I0MSO

— Yusra Husain (@yusrahusain) February 11, 2019

کانگریس صدر راہل گاندھی نے لکھنؤ میں کانگریس کی ریلی کے درمیان اتر پردیش میں کانگریس حکومت تشکیل دینے کے عزم کا اظہار کیا ہے۔ جنرل سکریٹری بنائے جانے کے بعد پیر کے روز پرینکا گاندھی کی ریلی میں جمع زبردست بھیڑ سے مخاطب ہوتے ہوئے انھوں نے کہا کہ ’’ہماری نظر لوک سبھا الیکشن ہی نہیں، اس کے بعد یو پی اسمبلی الیکشن پر ہے۔ ہم ریاست میں کانگریس کی حکومت تشکیل دینا چاہتے ہیں کیونکہ یہاں کے لوگوں نے بہت ظلم برداشت کر لیا ہے۔‘‘

Priyanka Gandhi,Rahul Gandhi,Jyotiraditya Scindia Garland Mahatma Gandhi,Sardar Patel, ambedkar's statue in Lucknow's Hazratganj pic.twitter.com/PTG71n1A8S

— Yusra Husain (@yusrahusain) February 11, 2019

راہل گاندھی نے اس موقع پر پی ایم نریندر مودی کو زبردست طریقے سے تنقید کا نشانہ بنایا اور لوگوں سے کہا کہ ’’ملک کے چوکیدار نے یو پی کے لوگوں کا پیسہ چرایا اور اپنے دوست انل امبانی کے حوالے کر دیا۔ ہم ایسے لوگوں کو حکومت سے بے دخل کر دیں گے۔ ہم ان کے خلاف فرنٹ فُٹ پر کھیلیں گے۔ ہم پیچھے ہٹنے والے نہیں۔‘‘ اتر پردیش کے تعلق سے بولتے ہوئے کانگریس صدر نے کہا کہ ملک کا اگر کوئی سنٹر، کوئی دِل ہے تو وہ اتر پردیش ہے۔ ہم اس وقت تک خاموش نہیں بیٹھیں گے جب تک یہاں کانگریس نظریہ والی حکومت نہیں بن جاتی ہے۔

Congress President Shri @RahulGandhi and AICC Secretaries @priyankagandhi and @JM_Scindia greet the thunderous crowd at the mega roadshow in Lucknow. #PriyankaUPRoadshow #NayiUmeedNayaDesh pic.twitter.com/wWRR95qF7b

— Indian Youth Congress (@IYC) February 11, 2019

پرینکا گاندھی کے استقبال میں کھڑے ہزاروں لوگوں کی بھیڑ سے مخاطب ہوتے ہوئے راہل گاندھی نے اتر پردیش میں خوشحالی لانے کی خواہش ظاہر کی اور کہا کہ ’’میں نے پرینکا اور جیوترادتیہ کو اتر پردیش کا جنرل سکریٹری بنایا ہے اور ان سے کہا ہے کہ یہاں لوگوں پر جو ظلم ہوا ہے انھیں انصاف دلانے کے لیے کام کریں۔‘‘ ساتھ ہی انھوں نے یہ بھی کہا کہ جب تک یو پی کے لوگوں کو انصاف نہیں دلایا جاتا، جب تک ریاست میں کانگریس کی حکومت نہیں بن جاتی، اس وقت تک ہماری جدوجہد جاری رہے گی۔

Rahul Gandhi shouts "Chowkidar', people respond with "chor hai" at Lucknow's Hazrarganj area during Priyanka Gandhi's roadshow #Congress #PriyankaGandhi #PriyankaUPRoadshow @RahulGandhi @priyankagandhi pic.twitter.com/D99V7U3fZr

— Yusra Husain (@yusrahusain) February 11, 2019

پرینکا گاندھی کا نو گھنٹوں پر مشتمل یہ روڈ شو اموسی ائیرپورٹ سے شروع ہو کر کانگریس پارٹی کے دفتر تک جائے گا

اموسی سے پارٹی کے ریاستی دفتر کے درمیان 14 کلومیٹر لمبے روٹ پر دونوں طرف پارٹی کے حامی ڈھول تاشوں کے ساتھ علی الصبح ہی سڑک کے کنارے جمے ہوئے تھے۔ وہیں پولیس نے کانگریس کے روڈ شو کی وجہ سے صبح 10 بجے سے کئی مقامات پر راستے کو تبدیل کردیا جس کی وجہ سے دفتر اور دیگر کمرشیل مقامات پر جانے والے افرا د کو کافی پریشانی جھیلنی پڑی۔

https://twitter.com/MomentsIndia/status/1094935344246591489

روڈ شو کے لئے متعین روٹ پر پرینکا واڈرا اور راہل گاندھی کے پوسٹروں کی بھرمار دیکھنے کی ملی۔ ہر لیڈر اور کارکن نے اپنی تصویر لگے پوسٹر اس طرح لگائے تھے کہ شاید واڈرا کی نظر اس پر پڑ جائے اور لوک سبھا الیکشن کے لئے ان کا مستقبل سنور جائے۔ادھرعوام کے پرجوش استقبال کا پرینکا واڈرا نے ہاتھ ہلا کر قبول کیا وہیں جوش میں بھرے کارکن نعرے بازی کر لیڈروں کی حوصلہ افزائی میں مشغول تھے۔ روڈ شو کے دوران کانگریسی لیڈروں نے اپنے ہاتھ میں رافیل جنگی طیارہ کی تصویر لے رکھی تھی جس کے ذریعہ وزیر اعظم نریندر مودی پر حملہ کرنے سے بھی نہیں چوک رہے تھے۔

روڈ شو کے دوران پرینکا گاندھی اور راہل گاندھی کو گاڑی بدلنی پڑ گئی۔ اب بس کی بجائے وہ چھوٹی گاڑی سے روڈ شو کر رہے ہیں۔ بجلی کے تاروں کی وجہ سے روڈ شو رک گیا تھا۔

پرینکا گاندھی کی مقبولیت اس قدر حاوی تھی کہ کارکنوں کی بھیڑ پارٹی صدر راہل گاندھی اور جنرل سکریٹری جیوتی رادتیہ سندھیا کے نعرے لگانے کے بجائے پرینکا واڈرا زندہ باد کے نعرے لگا رہے تھے۔ گانگریس لیڈروں کے قافلے پرکئی مقامات پر پھولوں کی بارش کی گئی۔ کئی چوراہوں کو پرکشش طریقے سے سجایا گیا تھا۔

مشرقی اترپردیش کی کمان ملنے کے بعد پرینکا گاندھی لکھنئو میں اپنا پہلا میگا روڈ شو کر رہی ہیں۔ پرینگا گاندھی کے روڈ شو کے دوران ان کے شوہر رابرٹ واڈرا نے انہیں مبارکباد دی۔ رابرٹ واڈرا نے سوشل میڈیا پر مبارکباد دیتے ہوئے لکھا ’’ تم ایک سچی دوست،پرفیکٹ وائف اور میرے بچوں کے لئے بہترین ماں ثابت ہوئی ہو۔ آج کے دن بدبختانہ سیاسی ماحول ہے۔ مجھے پتہ ہے کہ تم اپنی ذمہ داری صحیح طریقہ سے نبھاو گی۔ ہم پرینکا کو ملک کے حوالے کرتے ہیں۔ ہندوستان کے عوام ان کا خیال رکھیں‘‘۔ اس سے پہلے روڈ شو میں پرینکا کو دیکھ کر کانگریس کارکنان میں جوش بھر گیا۔ پرینکا ہاتھ ہلا کر لوگوں کا شکریہ ادا کر رہی ہیں۔ کانگریس کارکنان پرینکا کا پھول۔ مالاوں سے خیرمقدم کر رہے ہیں۔ 9 گھنٹے کے اس روڈ شو میں پرینکا کے ساتھ راہل گاندھی، جیوترادتیہ سندھیا اور راج ببر سمیت پارٹی کے کئی بڑے لیڈران ہیں۔ سبھی بس کی چھت پر کھڑے ہیں اور ہاتھ ہلا کر لوگوں کا شکریہ ادا کر رہے ہیں۔

بس کی چھت پر سیکورٹی کے کچھ عملے بھی موجود ہیں۔ priyanka rahul پرینکا گاندھی کا یہ میگا روڈ شو آگے بڑھ رہا ہے اور بڑی تعداد میں بچوں اور مرد وخواتین کی بھیڑ سڑکوں پر ان کا خیرمقدم کرتی نظر آ رہی ہے۔ پرینکا گاندھی کا قافلہ آہستہ آہستہ کانگریس دفتر کی طرف بڑھ رہا ہے اور کافی پرجوش نظر آ رہا ہے۔ پرینکا گاندھی یہاں چار دن کے دورہ پر آئی ہیں اور اس دوران ان کی کئی میٹنگیں ہونے والی ہیں۔

پرینکا گاندھی کا نو گھنٹوں پر مشتمل یہ روڈ شو اموسی ائیرپورٹ سے شروع ہو کر کانگریس پارٹی کے دفتر تک جائے گا۔ اس دوران 30 جگہوں پر پرینکا گاندھی کا قافلہ رکے گا۔

روڈشو سے پہلے راہل گاندھی نے ٹویٹ کرتے ہوئے کہا ’’ لکھنئو آ رہا ہوں۔ پرینکا گاندھی واڈرا جی اور جیوترادتیہ سندھیا جی ساتھ ہوں گے۔ دوپہر تقریبا بارہ بجے لکھنئو کے ہوائی اڈے سے پارٹی دفتر تک روڈ شو کا اہتمام کیا گیا ہے۔ آپ سبھی سے ملاقات کے لئے پرجوش ہوں‘‘۔