وقف ترمیمی بل کے خلاف کالی پٹی باندھنے والے احتجاجیوں کو مظفر نگرضلع انتظامیہ نے بھیجا نوٹس

مظفر نگر: وقف ترمیمی بل کے خلاف جمعہ کی نماز کے دوران ہاتھ پر کالی پٹی باندھ کر احتجاج کرنے والوں کے خلاف مظفر نگر ضلع انتظامیہ نے کاروائی کی ہے۔ ضلع انتظامیہ نے 24 احتجاجیوں کے خلاف امن و امان خراب کرنے کا الزام لگاتے ہوئے نوٹس جاری کیا ہے۔

Lavc60.20.101

مظفر نگر سٹی مجسٹریٹ کے ذریعہ جاری کیے گئے اس نوٹس میں صاف طور پر لکھا ہے کہ جمعہ کی نماز کے دوران اور عید کی نماز کے دوران ہاتھ پر کالی پٹی باندھ کر وقف ترمیمی بل کے خلاف احتجاج کیا گیا ہے جو کہ عوام کو اکسانے کے مترادف ہے جس سے کہ ایک غلط پیغام گیا ہے۔

اس عمل کو امن و امان کو خطرہ بتایا گیا اور جاری کردہ نوٹس کے لیے 16 اپریل 2025 کو نگر مجسٹریٹ کورٹ میں حاضر ہونے کی ہدایت دی گئی ہے۔

نوٹس پر وقف بل کے خلاف احتجاج کر رہے لوگوں کا کہنا ہے کہ انہوں نے تو کوئی اکسانے والا احتجاج کیا ہی نہیں اور نہ ہی انہوں نے لوگوں کو بھڑکانے یا اکسانے کا کوئی کام کیا ہے بلکہ انہوں نے تو پرامن طریقے سے مسلم پرسنل لا بورڈ کے حکم پر مسجد کے اندر خاموشی کے ساتھ ہاتھ پر کالی پٹی باندھ کر احتجاج کیا تھا۔

اپ کو بتا دیں کہ وقت ترمیمی بل کے خلاف گزشتہ ایک ہفتے سے مسجد اور مدرسوں کے اندر ال انڈیا مسلم پرسنل لا بورڈ کی کال پر اس بل کے خلاف مسلمانوں نے ہاتھ پر کالی پٹی باندھ کر مظاہرے کیے ہیں۔

مظفر نگر میں بھی عید کی نماز اور الوداع جمعہ کی نماز کے دوران مسجدوں کے اندر مسلم سماج کے لوگوں نے ہاتھ پر کالی پٹی باندھ کر اپنا اعتراض جتایا تھا۔

ضلع انتظامیہ کی جانب سے نوٹس جاری ہونے کے بعد اب بل کی مخالفت کر رہے مسلمانوں کا کہنا ہے کہ، بل کے خلاف سب کو اپنی بات کہنے کا اختیار ہے۔