مدھیہ پردیش کمل ناتھ سرکار کا آج فلور ٹسٹ،٢٦ مارچ تک کارروائی ٹلی

ایم پی فلور ٹیسٹ لائیو اپ ڈیٹس: مدھیہ پردیش اسمبلی میں آج فلور ٹیسٹ نہیں ہوگا۔ گورنر لالجی ٹنڈن کے خطاب کے بعد اس ایوان کو 26 مارچ تک ملتوی کردیا گیا ہے۔ لال جی ٹنڈن نے خطاب کے بعد کہا کہ میں تمام ممبروں کو مشورہ دینا چاہتا ہوں کہ وہ پرامن طریقے سے ذمہ داری نبھائیں۔

اس سے قبل وزیر اعلی کمل ناتھ نے رات گئے راج بھون میں گورنر لالجی ٹنڈن سے ملاقات کی۔ اس کے بعد ، صحافیوں سے گفتگو کرتے ہوئے انہوں نے کہا کہ اسمبلی میں کیا ہوگا اس کا فیصلہ اسپیکر ہی کرے گا۔ سابق وزیر اعلی شیوراج سنگھ چوہان نے رات گئے اس پر رد عمل ظاہر کرتے ہوئے کہا ہے کہ حکومت فیصلہ کرتی ہے کہ اسمبلی میں کیا ہوگا اور اس کی بنیاد پر یہ عمل اسپیکر کے ذریعہ کیا جاتا ہے۔