مدراس ہائی کورٹ کی چیف جسٹس نے استعفی دیا

چنئی، 7 ستمبر ( یواین آئی) مدراس ہائی کورٹ کی چیف جسٹس وجے کملیش تاهل رماني نے میگھالیہ تبادلہ کئے جانے کے معاملہ پر نظر ثانی کرنے کی ان کی درخواست نامنظور کئے جانے کے بعد اپنے عہدے سے استعفی دے دیا ہے۔سرکاری ذرائع نے بتایا کہ جسٹس تاهلرماني نے سپریم کورٹ كولیجيم کی جانب سے ان کی درخواست نامنظور کئے جانے کے بعد عہدے سے استعفی دے دیا ۔

انہوں نے اپنا استعفی صدر جمہوریہ رام ناتھ كووند کو بھیج دیا ہے اور ایک کاپی سپریم کورٹ کے چیف جسٹس رنجن گوگوئی کو جمعہ کی شب کو بھیجی۔چیف جسٹس کی سربراہی والے اس كولیجيم میں پانچ جج ہیں اور اس نے ہی جسٹس تاهلرماني کے تبادلے کی سفارش کی تھی ۔ كولیجيم نے 28 اگست کو ان کا تبادلہ میگھالیہ ہائی کورٹ میں بطور چیف جسٹس کیا تھا جس کے بعد انہوں نے اس پر دوبارہ غور کرنے کے لئے ایک درخواست کی تھی ۔ وہ ملک میں ہائی کورٹ کی سب سے سینئر جج ہیں اور انہوں نے مدراس ہائی کورٹ جیسی بڑی عدالت سے میگھالیہ ہائی کورٹ کی طرح چھوٹی جگہ بھیج دیے جانے کے سبب عہدے سے استعفی دے دیا ہے ۔مدراس ہائی کورٹ کے پانچ عارضی ججوں کو مستقل کئے جانے کے موقع پر منعقدہ عشائیہ میں انہوں نے جمعہ کی رات استعفی دینے کا فیصلہ لیا تھا۔انہوں نے کہا کہ وہ ایک چھوٹے ہائی کورٹ میں اچانک تبادلہ کئے جانے سے دلبرداشتہ ہیں ۔ وہ دو اکتوبر 2020 کو سبکدوش ہونے والی تھیں ۔سپریم کورٹ نے ان کے تبادلے پر نظر ثانی کی درخواست پر یہ کہہ کر انکار کر دیا تھا کہ كولیجيم نے ان کی نمائندگی پر کافی گہرائی سے غور کیا ہے اور اس میں تمام متعلقہ حقائق کا بھی خیال رکھا ہے ۔ اس معاملے میں نظر ثانی کرنے کے بعد کولیجيم کا خیال ہے کہ ان کی اس عرضی پر غور کرنا ممکن نہیں ہے اور وہ انہیں میگھالیہ بھیجے جانے کی اپنی 28 اگست کی سفارش کو دوبارہ دوهراتا ہے۔