مہاراشٹر : وردھا میں فوج کے آرمس ڈپو میں دھماکہ ، 5 افراد کی موت ، کئی دیگر زخمی

مہاراشٹر کے وردھا میں دھماکہ کی خبر ہے ۔ منگل کو پھول گاوں میں فوج کے آرمس ڈپو میں بڑا دھماکہ ہوا ، جس میں پانچ لوگوں کی موت ہوگئی جبکہ کئی دیگر افراد کے زخمی ہونے کی بھی خبر ہے ۔ بتایا جارہا ہے کہ فائرنگ رینج میں کسی پرانے دھماکہ خیز مادہ کو ضائع کرنے کے عمل کے دوران وہ پھٹ گیا ، جس کی وجہ سے دھماکہ ہوگیا۔

جس وقت دھماکہ ہوا تو صبح کی شفٹ میں کام کرنے والے تقریبا 40 لوگ جائے واقعہ پر موجود تھے ۔ مہاراشٹر پولیس نے ابھی تک چار افراد کے مرنے کی تصدیق کی ہے ، جس میں تین گاوں والے بھی شامل ہیں جبکہ ایک فیکٹری میں کام کرنے والا مزدور ہے ۔

موصولہ اطلاعات کے مطابق فی الحال دھماکہ خیز مادہ پر کیمیکل ڈال کر اس کو کولڈ اسٹیٹس میں ڈالنے کی کوشش کی جارہی ہے ۔ راحت کی ٹیم سے وابستہ لوگ زخمیوں کی مدد میں مصروف ہوگئے ہیں ۔