شیو سینا (یو بی ٹی) کے رہنما ابھیشیک گھوسالکر کی میت ممبئی کے بوریوالی میں ان کی رہائش گاہ پر لائی گئی۔ کانگریس لیڈر اور ریاستی اسمبلی میں اپوزیشن لیڈر وجے ودیٹیوار کا کہنا ہے کہ ریاست میں امن و امان کی صورتحال ابتر ہو گئی ہے۔
شیوسینا (یو بی ٹی) کے رہنما ابھیشیک گھوسالکر کو ممبئی کے دہیسر علاقے میں گولی مار کر ہلاک کر دیا گیا۔ پارٹی کے رکن پارلیمنٹ سنجے راوت نے پورے معاملے کو لے کر شندے حکومت کو نشانہ بنایا ہے۔ شیوسینا (یو بی ٹی) لیڈر سنجے راوت نے کہا کہ مہاراشٹر میں ‘گنڈہ راج’ اور ‘مافیا راج’ ہے۔ اس ‘مافیا راج’ کو شندے حکومت کی آشیرباد حاصل ہے۔ انہوں نے واضح طور پر کہا کہ ہم خاموش نہیں رہیں گے۔ اب کہاں ہیں تمہاری ای ڈی، سی بی آئی؟ پی ایم مودی اور مرکزی وزیر داخلہ امت شاہ اس ‘گنڈہ راج’ کے ذمہ دار ہیں۔
شیو سینا (یو بی ٹی) کے رہنما ابھیشیک گھوسالکر کی میت ممبئی کے بوریوالی میں ان کی رہائش گاہ پر لائی گئی۔ کانگریس لیڈر اور ریاستی اسمبلی میں اپوزیشن لیڈر وجے ودیٹیوار کا کہنا ہے کہ ریاست میں امن و امان کی صورتحال ابتر ہو گئی ہے۔ حکمران جماعت کی حمایت سے جرائم پیشہ افراد کے حوصلے بڑھ گئے ہیں۔ انہوں نے کہا کہ ابھیشیک گھوسالکر کا قتل سیاسی قتل ہے، اس میں ملوث افراد کے خلاف سخت کارروائی کی جانی چاہئے۔
جمعرات کو ممبئی میں، مقامی سماجی کارکن ماریس نورونہا نے فیس بک لائیو کے دوران شیوسینا (ادھو بالا صاحب ٹھاکرے) کے رہنما ابھیشیک گھوسلکر کو گولی مار کر ہلاک کر دیا۔ پولیس کا کہنا ہے کہ حملہ آور نورونہا نے بھی خود کو گولی مار کر خودکشی کی تھی۔ پولیس نے بتایا کہ سابق کونسلر گھوسلکر شمالی ممبئی کے ایک اسپتال میں گولی لگنے کے بعد دم توڑ گئے۔ اس واقعے کی فیس بک لائیو ویڈیو سوشل میڈیا پر وائرل ہوئی، جس میں ابھیشیک کو پیٹ اور کندھے میں گولی ماری ہوئی دکھائی دے رہی ہے۔
https://x.com/nemediahub/status/1755838837547577370?s=20
