چین میں اومیکرون کا سب ویرینٹ بی ایف.7 تباہی مچا رہا ہے اور گزشتہ روز مرکزی حکومت سمیت کئی ریاستوں کی جانب سے اعلیٰ سطحی اجلاس طلب کیا گیا اور رہنما ہدایات پر عمل کرنے پر زور دیا گیا
نئی دہلی: چین میں کورونا کے بڑھتے ہوئے کیسز کی وجہ سے ہندوستان میں بھی احتیاط برتی جا رہی ہے۔ چین میں اومیکرون کا سب ویرینٹ بی ایف.7 تباہی مچا رہا ہے اور گزشتہ روز مرکزی حکومت سمیت کئی ریاستوں کی جانب سے اعلیٰ سطحی اجلاس طلب کیا گیا اور رہنما ہدایات پر عمل کرنے پر زور دیا گیا۔
وزیر اعظم نریندر مودی نے جمعرات کے روز اس سلسلے میں ایک اعلیٰ سطحی اجلاس کی صدارت کی۔ اس کے علاوہ کئی ریاستوں کے وزرائے اعلیٰ اور وزرائے صحت نے کووڈ-19 کے لیے تیاریوں اور پروٹوکول کا جائزہ لینے کے لیے میٹنگ کی۔ اس میں پرہجوم جگہوں پر ماسک پہننا لازمی قرار دینے، جینوم سیکونسنگ بڑھانے اور جلد سے جلد لوگوں کو کورونا ویکسین کی تیسری خوراک دینے پر زور دیا گیا۔