میرٹھ: بی ایس پی کے سابق وزیر یعقوب قریشی کا چھوٹا بیٹا غازی آباد سے گرفتار

میرٹھ: اتر پردیش پولیس نے بی ایس پی کے سابق وزیر یعقوب قریشی کے چھوٹے بیٹے فیروز عرف بھورا کو غازی آباد کی وسندھرا کالونی سے گرفتار کر لیا۔ وہ تین ساتھیوں کے ساتھ ایک اپارٹمنٹ میں رہ رہا تھا۔ اس کی گرفتاری کے لئے اطلاع دینے پر 25000 روپے کا انعام تھا۔

مرکز کی چابیاں مولانا سعد کو سونپنے کا حکم، پابندی جاری رکھنے کی دلیل پر پولیس کو دہلی ہائی کورٹ کی پھٹکار
میرٹھ کے سینئر سپرنٹنڈنٹ آف پولیس روہت سنگھ سجوان نے کہا کہ ہمیں ایک خفیہ اطلاع ملی تھی اور اس سلسلے میں ہماری ٹیم نے غازی آباد ضلع کے وسندھرا کالونی میں واقع ایک اپارٹمنٹ پر چھاپہ مارا۔ چھاپے کے دوران ہماری ٹیم نے اسے گرفتار کر لیا۔ ایس پی نے کہا ابتدائی پوچھ گچھ کے دوران فیروز نے انکشاف کیا کہ وہ پہلے الہ آباد میں چھپا ہوا تھا۔ نگرانی کے ذریعے اس کی لوکیشن ٹریس نہ ہو، اس لیے اس نے بار بار موبائل نمبر بھی بدلے۔ وہ اپنے والدین سے رابطے میں تھا۔

قریشی ہاپوڑ روڈ پر غیر قانونی طور پر گوشت کی فیکٹری چلا رہا تھا۔ 31 مارچ کو ایک چھاپے میں پولیس نے فیکٹری کے اندر سے 5 کروڑ روپے مالیت کا 2000 کونٹل گوشت برآمد کیا تھا۔ اس معاملے میں 17 لوگوں کے خلاف مقدمہ درج کیا گیا ہے۔ پولیس کا کہنا ہے کہ فیکٹری کے لائسنس کی مدت ختم ہونے کے باوجود کام جاری تھا۔

کرناٹک کے پروفیسر نے مسلم طالب علم کو کلاس میں کہا ‘دہشت گرد’، یونیورسٹی نے لیا ایکشن
میرٹھ پولیس نے بہوجن سماج پارٹی (بی ایس پی) لیڈر یعقوب قریشی کی بیوی اور ان کے دو بیٹوں سمیت 7 پر گینگسٹر ایکٹ کے تحت کارروائی کی تھی۔ ایس پی نے بتایا کہ اب تک گینگسٹر کیس میں 3 افراد کو گرفتار کیا جا چکا ہے۔ دیگر کی تلاش میں چھاپے ماری جاری ہے۔ میرٹھ پولیس نے یعقوب قریشی کی 125 کروڑ روپے کی جائیداد بھی ضبط کر لی ہے۔