بہتر کارکردگی کیلئے میٹرو ریل ملازمین کو کیا گیا سرفراز

لکھنؤ: ایمانداری اور فرائض کےلئے میٹرو کے ملازمین کو سرفراز کیاگیا۔ یہ احترام اپریل، مارچ اور فروری ماہ میں بہتر مظاہرہ کرنے کےلئے دیا گیا۔

اترپردیش میٹرو ریل کارپوریشن کے منیجنگ ڈائریکٹر سشیل کمارنے میٹرو کے انتظامی عمارت میں ایمانداری اور فرائض کو پورا کرنےوالے ریل ملازمین کو سرفراز کیا۔ جنوری 2024 کے لئے تحفظ گارڈ سیتا ورما کو سی سی ایس ایئرپورٹ پر مسافر کے کھوئے 34ہزار روپئے رقم، پاس پورٹ، قیمتی اسٹون اور غیرملکی کرنسی محفوظ لوٹانے کےلئے سرفراز کیا۔

اسی طرح فروری ماہ کے لئے تحفظ ملازم رنجیت ورما کو سنگار نگر میٹرو اسٹیشن سے ٹریک پر گرے مسافر کو ایمرجنسی بٹن دباکر جان بچانے کےلئے سرفراز کیاگیا۔

مارچ ماہ کے لئے تحفظ ملازم اوما کانت کو منشی پلیا میٹرو اسٹیشن پر مسافر کی گولڈ جیولری اور چار ہزار روپئے نقد محفوظ لوٹانے کے لئے سرفراز کیا گیا۔

سشیل کمار نے یوپی ایم آرسی کے رنجیت پریجا ، روہت کمار گپتا، کیرتی پرجاپتی سیکشن کو بھی امپلائے آف دا منتھ سے سرفراز کیا۔ اس کے علاوہ رام پرتاپ گپتا کو اور پرمود کمار یادو اور ونزا مشرا کو سرفراز کیا گیا۔