مرزاپور:ٹرین سے کٹ کر تین کی موت

مرزاپور:17نومبر(یواین آئی) اترپردیش کے ضلع مرزاپور ریلوے اسٹیشن پر بدھ کو سورن جینتی ایکسپریس کی زد میں آنے سے ایک خاتون سمیت تین افراد کی موت ہوگئی۔

پولیس نے بتایا کہ بھدوہی ضلع کے مادھو سنگھ گاؤں باشندہ راجیش گپتا(50)،درگا دیوی(50)،اور کٹھاری گاؤں باشندہ ببلو(45) آج علی الصبح میں مرزاپور ریلوے اسٹیشن کے پلیٹ فارم نمبر دو پر ٹرین سے اتر کر سیڑھی کے بجائے لائن عبور کر کے کے پلیٹ فارم نمبر ایک پر آرہے تھے کہ اسی وقت گزر رہی سورن جینتی ایکسپریس کی زد میں آگئے اور ان کی موت ہوگئی۔

انہوں نے بتایا کہ مہلوکین ناگپور کے بھوانی نگر ایک شادی تقریب میں شرکت کرنے گئے تھے اور وہاں سے واپس لوٹ کر گھر جارہے تھے۔