میرا ڈونا کےانتقال پروزیراعظم کا اظہارتعزیت

نئی دہلی،26 نومبر( یواین آئی) وزیراعظم نریندر مودی نے جمعرات کے روز سابق عالمی شہرت یافتہ فٹ بال کھلاڑی ارجنٹائنا کے ڈیاگو میراڈونا کے انتقال پر اظہار تعزیت کیا اور کہا کہ ان کی ناگہانی موت سے ہم سب غمزدہ ہیں۔

شہرہ آفاق فٹ بال کھلاڑی ڈیاگو میراڈونا کا بدھ کے روز 60 سال کی عمر میں دل کا دورہ پڑنے سے انتقال ہوگیا۔ کچھ دن پہلے ہی ان کے دماغ میں خون کے تھکے کی سرجری کرائی گئی تھی۔

میراڈونا کی موت پر اظہار تعزیت کرتے ہوئے مسٹر مودی نے ٹویٹ کیا ’’ڈیاگو میراڈونا فٹ بال کے جادوگر تھے جنہوں نے اس کھیل کو دنیا میں مقبولیت کے عروج پر پہنچایا۔ میراڈونا نے اپنی زندگی میں فٹ بال کے میدانوں میں کھیل کے بہترین لمحات سے ہمیں لطف اندوز ہونے کا موقع فراہم کیا ۔ ہم سب ان کی اس ناگہانی موت سے غمزدہ ہیں۔ ایشوران کی آتما کو شانتی دے‘‘۔