اپنی فکر کرنے والوں کو ملکی سیکورٹی سے کوئی سروکارنہیں : مودی

قنوج: سماجوادی پارٹی(ایس پی) کے رسوخ والے حلقے قنوج میں نشنلزم کے ساتھ ذات پات کا کارڈ کھیلتے ہوئے وزیر اعظم نریندر مودی نے کہا کہ خود میں وزیر اعظم کا عکس ڈھونڈھنے والوں کے پاس ملک کی سیکورٹی اور غریبوں کے فلاح کی کوئی اسکیم نہیں ہے۔

قنوج میں عوامی ریلی سے خطاب کرتے ہوئے وزیر اعظم نے سنیچر کو کہا’’ تیسرے مرحلے کی ووٹنگ ختم ہوتے ہیں مہاملاوٹی اتحاد کا کھیل ختم ہوگیا ہے۔ عوامی ریلیوں میں امڈرہی بھیڑ نے موقع پرستوں اور مہا ملاوٹیوں کے ہوش اڑا دئے ہیں۔ جس سے بوکھلائے یہ لوگ اب میری ذات کی شناخت میں لگے ہوئے ہیں۔ یہ پہلی بار نہیں ہے جب مخالفین نے مجھے گالی دی ہو۔ اس سے پہلے کے انتخابات میں بھی دو تین مرحلوں کے بعد اپوزیشن کے افراد مجھے نیچ دکھانے کے لئے ساری حدوں کو پارکرچکے ہیں۔

انہوں نے کہا’’ میں کبھی بھی ذات کے نام پر سیاست کا حامی نہیں رہاہوں۔ جب تک میرے مخالفین نے مجھے گالی نہیں دی اس ملک کو پتہ بھی نہیں تھا کہ میری ذات کون سی ہے لیکن اب میں بہن جی، اکھلیش جی اور کانگریس کا مشکورہوں کہ وہ میرے پچھڑے پن کا تذکر ہ کررہے ہیں۔ آپ کے لئے پچھڑی ذات میں پیدا ہونا سیاسی کھیل ہوسکتا ہے میرے لئے ’ماں بھارتی‘ کی خدمت کرنا میری خوش قسمتی ہے۔ میری ذات اتنی چھوٹی ہے کہ گاؤں میں اس ذات کا یک آدھ گھر بھی نہیں ہوتا ہے۔ میں تو صرف اتنا چاہتاہوں کہ پورے ملک کے اعلی و پچھڑی ذات کے لوگ آگے بڑھیں تاکہ ملک کی ترقی ممکن ہوسکے۔

مسٹر مودی نے کہا کہ اپوزیشن کے لوگ ایک دوسرے کو وزیر اعظم کا دعویدار بتا کر اپنا الو سیدھا کررہے ہیں۔ انہیں بذات خود اور اپنے خاندان کی فکر ہے۔ ملک کی ترقی میں روکاوٹ دہشت گردی سے نپٹنا ان کے بس کی بات نہیں ہے یہ لوگ سرجیکل اسٹرائیک جیسی فوج کی کاروائی پر بھی سوال کھڑے کرتے ہیں۔ اس معاملے میں ان کو پاکستان کے دعوں میں سچائی نظر آتی ہے۔ یہ جانبازوں کا ملک ہے جو کسی بھی حالت میں ہندوستان کے وقار اور سیکورٹی سے سمجھوتہ نہیں کرتے۔ ہندوستان دہشت گردوں کا سب سے بڑا ٹارگیٹ ہے۔ پاک میں دہشت گردی کی فیکٹریاں چل رہی ہیں۔ ا سے نپٹنے کے لئے ایس پی۔ بی ایس پی کے پاس کوئی فارمولہ ہے کیا۔