سابق وزیراعظم واجپئی کی برسی پر مودی کا خراج تحسین

نئی دہلی ، 16 اگست (یواین آئی) وزیر اعظم نریندر مودی نے اتوار کے روز سابق وزیر اعظم اٹل بہاری واجپئی کو ان کی دوسری برسی کے موقع پر خراج تحسین پیش کیا۔

بھارتیہ جنتا پارٹی کے قد آور رہنما اور سابق وزیر اعظم واجپئی کا 16 اگست 2018 کو 93 سال کی عمر میں انتقال ہوگیاتھا اور آج ان کی دوسری برسی ہے۔

مسٹر مودی نے مرحوم واجپئی کی ایک ویڈیو ٹوئٹر پر پوسٹ کی اور کہا ’’ہمارے پیارے اٹل جی کو ان کی برسی پر پر خراج تحسین پیش ہے۔ ہندوستان ان کی شاندارخدمات اورملک کی ترقی کے لئے ان کی کوششوں کو ہمیشہ یاد رکھے گا‘‘۔