غزہ کے الشفا اسپتال پر صیہونی حملے میں 100 سے زائد شہید

غزہ کے الشفا اسپتال پر صیہونی فوجیوں کے تازہ حملے میں سو سے زائد فلسطینی شہید ہوئے ہیں۔

غزہ میں فلسطین انفارمیشن سینٹر کے ڈائریکٹر سلامہ معروف نے بتایا ہے کہ الشفا اسپتال پر صیہونیوں کے تازہ حملے میں سو سے زائد افراد شہید ہوئے ہیں۔

انہوں نے بتایا کہ صیہونی فوجیوں کے حملوں میں اسپتال کے طبی عملے کے بہت سے افراد بھی شہید ہوئے ہیں۔ فلسطین انفارمیشن سینٹر کے ڈائریکٹر نے بتایا کہ صیہونی فوجی طبی عملے کے مریضوں کی دیکھ بھال سے بھی روک رہے ہیں جس کے نتیجے میں کم سے کم چار زیر علاج مریض شہید ہوگئے ہیں۔

انہوں نے بتایا کہ الشفا اسپتال میں حالات بہت المناک ہیں ۔دوسری طرف غزہ میں فلسطین کے محکمہ صحت نے جمعے کی شام بتایا ہے کہ غزہ پر صیہونی فوجیوں کے حملوں میں شہید ہونے والوں کی تعداد اکتس ہزار نو سو اٹھاسی اور زخمیوں کی تعداد چوہتر ہزار ایک سو اٹھاسی ہوگئی ہے۔