امریکا میں کورونا سے 27 ہزار سے زیادہ اموات

امریکا میں سوا چھ لاکھ افراد کورونا وبا کا شکار ہو چکےجبکہ 27 ہزار سے زیادہ افراد جان سے جا چکے، آج مزید ایک ہزار 539 افراد لقمہ اجل بن گئے۔غیر ملکی میڈیا کے مطابق صرف ریاست نیویارک میں دو لاکھ سے زائد افراد کورونا وائرس میں مبتلا ہیں۔

امریکی جریدے بلوم برگ نے اگلے سال کے وسط تک صرف نیویارک شہر میں چار لاکھ 75 ہزار نوکریاں ختم ہونے اور ٹیکس کی مد میں 9 اعشاریہ 7 ارب ڈالرز کمی کا خدشہ ظاہرکردیا۔

ادھر ریاست نیوجرسی میں بھی کورونا مریضوں کی تعداد 71 ہزار سے تجاوز کر گئی۔