موٹرسائیکل سوار نوجوانوں کو ٹرک نے روندا، ایک کی موت

پریاگ راج : گزشتہ رات گھر سے کرچھنا شادی تقریب میں شامل ہونے جا رہے موٹرسائیکل سوار نوجوانوں کو پیچھے سے آئے ٹرک نے روند دیا۔ ایک نوجوان کی موقع پر ہی موت ہوگئی۔ شدید طور سے زخمی دوسرے نوجوان کو اسپتال میں بھرتی کرایا گیا ہے۔

نینی کوتوالی علاقہ کے موضع نیوتی کے دلیپ بھارتیہ کے دو بیٹیوں اور ایک بیٹی میں سب سےچھوٹا برجیش بھارتیہ راج مستری کا کام کرتا تھا۔ برجیش اور ماما بھانجہ تالاب کے رہنے والے اشونی مشرا ولد سنجے مشرا سے گہری دوستی تھی۔

دونوں اپاچے موٹرسائیکل سے ایک دوست کی شادی میں شامل ہونے کرچھنا جا رہے تھے۔ رات قریب 10 بجے دونوں گھور پور تھانہ علاقہ کے ارادت گنج ہوائی اڈہ پر پہنچے تھے کہ پیچھے سے ٹرک نے موٹرسائیکل کو روند ڈالا۔