کلکتہ: مغربی بنگال بی جے پی کے نائب صدر چندر کمار بوس نے پھر پارٹی کی سوچ سے ہٹ کر بیان دیا ہے۔ انہوں نے میڈیا ذرائع سے بات کرتے ہوئے کہا کہ محمد علی جناح ایک سیکولر لیڈر تھے، کیونکہ وہ کبھی بھی تقسیم ہند نہیں چاہتے تھے۔ کانگریس کے فرقہ پرست رہنماؤں کی وجہ سے ہندوستان تقسیم ہوا۔ انہوں نے بتایا کہ جناح 1935ء میں کلکتہ کے دربھنگہ ہال میں آئے تھے۔اس دوران انہوں نے ہندومسلم اتحاد پر خطاب بھی کیا تھا۔
