مرادآباد : ٹریکٹر سے ٹکرائی کار، ایک ہی کنبہ کے پانچ افراد کی موت

مرادآباد،یکم ستمبر (یواین آئی) اترپردیش میں ضلع مرادآباد کے كندركي علاقے میں ایک تیز رفتار گاڑی سڑک کے کنارے کھڑی لکڑیوں سے لدی ٹریکٹر ٹرالی سے جاٹکرا گئی، جس سے اس پر سوار ایک ہی کنبہ کے پانچ ارکان کی موت ہو گئی۔

پولیس ترجمان نے اتوار کی صبح یہاں یہ اطلاع دی۔ انہوں نے بتایا کہ كندركي بائی پاس پر ہفتہ کی شب تقریباً 11 بجے تیز رفتار کار سڑک کے کنارے لکڑی سے بھری ٹریکٹر ٹرالی سے جا ٹکرائی۔ حادثے میں دو خواتین، دو مرد اور ایک بچے کی موت ہوگئی جبکہ زخمی ڈرائیور کو اسپتال میں داخل کرا یاگیا ہے۔
پولیس ترجمان نے بتایا کہ مرنے والوں کی شناخت کرائی جا رہی ہے۔