بستی : راستے کے جھگڑے میں ایک شخص کا قتل

بستی : بستی کے سوندھاعلاقہ میں راستے کے تنازعہ کے سلسلہ میں آج ایک شخص کو لاٹھی ڈنڈوں سے پیٹ پیٹ کر قتل کردیا گیا۔پولیس کے ایک ترجمان نے بتایا کہ پڈریا دتو گاؤں میں رام دھیرج اورجھنکان کے درمیان راستے کے جھگڑے میں تکرار ہوگئی۔

رام دھیرج اور اس کے ساتھیوں نے لاٹھی ڈنڈوں سے جھنکان کوپیٹ دیاجس کے سبب وہ شدید طورسے زخمی ہوگیا اور ضلع اسپتال لے جاتے ہوئے راستے میں ہی اس کی موت ہوگئی۔اس سلسلہ میں ۸؍افراد کے خلاف مقدمہ درج کرلیا گیا ہے ۔
اور مفرور ملزمین کی تلاش کی جارہی ہے۔