کورونا وائرس کی وبا سے نمٹنے کے لیے امریکہ میں قومی ایمرجنسی

واشنگٹن ، 14 مارچ ؛ امریکہ کے صدر ڈونلڈ ٹرمپ نے كوروناوائرس کی وبا سے نمٹنے کے لیے ملک میں قومی ایمرجنسی کا اعلان کیا ہے ۔ مسٹر ٹرمپ نے جمعہ کو روز گارڈن میں پریس کانفرنس کے دوران کہا’’ میں سرکاری طور پر ملک میں ایمرجنسی کا اعلان کرتا ہوں ۔ اس سے امریکی صوبوں میں كوروناوائرس کی وبا سے نمٹنے کے لئے وفاقی فنڈ سے حکومت کو 50 ارب ڈالر کی رقم ملے گی‘‘

ٹرمپ نے صوبوں سے درخواست کی کہ اسپتال فوری طور پر ایمرجنسی مراکز قائم کرے اور اس سے نمٹنے کی ہنگامی تیاری کے منصوبوں کو شروع کرے ۔ انہوں نے کہا کہ ایمرجنسی اعلان، صحت اور انسانی وسائل کے وزیر یلیکس اجر کو نئے اختیار دیتا ہے ۔ انہوں نے کہا کہ مسٹر اجر کے پاس ٹیلی ہیلتھ کو مضبوط کرنے اور وفاقی لائسنس کی ضروریات کو پورا کرنے کا حق ہو گا جو ڈاکٹروں کو ان علاقوں میں صوبے سے باہر کام کرنے کی اجازت دے گا جہاں زیادہ ڈاکٹروں ضرورت ہے ۔یویارک، کیلی فورنیا اور واشنگٹن سمیت کچھ امریکی صوبے اس وبائی مرض سے متاثر ہیں ۔

جمعرات کو امریکہ میں کورونا وائرس سے مرنے والوں کی تعداد بڑھ کر کم از کم 41 ہو گئی۔ واضح رہے عالمی ادارۂ صحت كوروناوائرس کو وبائی مرض قرار دے چکا ہے ۔ دنیا بھر میں اس وبا سے کم از کم 5000 افراد کی موت ہو چکی ہے اور 137000 سے زیادہ لوگ اس مرض سے متاثر ہے ۔ اور 69000 سے زیادہ لوگ اس وبا سے صحتیاب ہو چکے ہیں ۔