نیوزی لینڈ آئندہ انتخابات سے قبل انتخابی قانون کاجائزہ لے گا

ویلنگٹن ، 5 اکتوبر (یو این آئی/ژنہوا) نیوزی لینڈ 2023 میں ہونے والے عام انتخابات کے پیش نظر اگلی نسل کے ووٹروں کی ضروریات کو پورا کرنے کے لیے انتخابی قانون کا جائزہ لے گا۔

وزیر انصاف کرس فافوئی نے منگل کو ایک بیان میں کہا ’’1950 کے بعد سے بہت کچھ بدل گیا ہے لیکن ہمارے بیشتر انتخابی ضابطے تبدیل نہیں ہوئے۔ ہم انتخابی قوانین کو بہتر اور منصفانہ بنانا چاہتے ہیں تاکہ نظام کو زیادہ قابل اعتماد بنایا جا سکے اور لوگوں کے ووٹنگ کے حقوق کی بہتر حمایت کی جا سکے۔
انہوں نے کہا کہ آزادانہ جائزہ، انتخابی ضابطوں مثلاً ووٹنگ کی عمر اور غیر ملکی ووٹنگ ، سیاسی جماعتوں کو ملنے والے فنڈ​​اور پارلیمنٹ کی مدت سے متعلق ہوگا۔
انہوں نے کہا کہ اس میں سیاسی عطیات کی شفافیت کو بہتر بنانا شامل ہے۔