کشمیر میں خشک موسم کے بیچ شبانہ درجہ حرارت معمول سے کم ریکارڈ

سری نگر: وادی کشمیر میں خشک مگر جزوی طور ابر آلود موسم کے بیچ بہتری واقع ہونے کے باوجود بھی شبانہ درجہ حرارت معمول سے کم ریکارڈ ہوا ہے ۔محکمہ موسمیات کے ایک ترجمان کے مطابق وادی میں اگلے چوبیس گھنٹوں کے دوران موسم جزوی طور ابر آلود رہ سکتا ہے اور اس دوران کہیں کہیں گرج چمک کے ساتھ بوندا باندی ہونے کا بھی امکان ہے ۔انہوں نے کہا کہ وادی میں 17 اور 18 مئی کو موسم جزوی ابر آلود رہ سکتا ہے اور اس دوران بعد از دوپہر کہیں کہیں گرج چمک کے ساتھ ہلکی بارشیں اور ژالہ باری بھی ہوسکتی ہے اور کہیں کہیں تیز ہوائوں کے چلنے کا بھی امکان ہے ۔

ان کا کہنا تھا کہ بعد ازاں وادی میں 19 سے 23 مئی تک موسم جزوی طور ابر آلود رہ سکتا ہے اوردوپہر کے بعد کہیں کہیں ہلکی بارشوں کا بھی امکان ہے ۔ترجمان نے کہا کہ تاہم وادی میں اگلے ایک ہفتے کے دوران وسیع پیمانے پر بارشوں کا کوئی امکان نہیں ہے ۔باغ مالکان سے کہا گیا ہے کہ وہ 19 سے 22 مئی کے دوران اپنے باغوں کی دوا پاشی کریں۔دریں اثنا وادی میں شبانہ درجہ حرارت بہتری کے باوجود معمول سے کم ہی درج ہوا ہے ۔گرمائی دارلحکومت سری نگر میں کم سے کم درجہ حرارت 10.7

ڈگری سینٹی گریڈ ریکارڈ کیا گیا جو معمول سے 0.7 ڈگری سینٹی گریڈ ریکارڈ کم ریکارڈ ہوا تھا۔وادی کے شہرہ آفاق سیاحتی مقام گلمرگ میں کم سے کم درجہ حرارت 5.8 ڈگری سینٹی گریڈ ریکارڈ کیا گیا جو معمول سے 1.0 ڈگری سینٹی گریڈ کم ریکارڈ ہوا تھا۔وادی کے دوسرے مشہور سیاحتی مقام پہلگام میں کم سے کم درجہ حرارت 3.5 ڈگری سینٹی گریڈ ریکارڈ کیا گیا جو معمول سے 2.4 ڈگری سینٹی گریڈ کم ریکارڈ ہوا تھا۔

سرحدی ضلع کپوارہ میں کم سے کم درجہ حرارت 7.2 ڈگری سینٹی گریڈ ریکارڈ کیا گیا جو معمول سے 2.9 ڈگری سینٹی گریڈ کم ریکارڈ ہوا تھا۔گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت 7.4 ڈگری سینٹی گریڈ ریکارڈ کیا گیا جو معمول سے 2.8 ڈگری سینٹی گریڈ کم ریکارڈ ہوا تھا۔لداخ یونین ٹریٹری کے ضلع لیہہ میں کم سے کم درجہ حرارت 0.8 ڈگری سینٹی گریڈ ریکارڈ ہوا ہے ۔