آخری مرحلے کے الیکشن کے لئے نوٹیفکیشن جاری

نئی دہلی‘ 22 اپریل؛ لوک سبھا الیکشن کے ساتویں اور آخری مرحلے کے لئے آج نوٹیفکیشن جاری کردی گئی ۔

الیکشن کمیشن نے آٹھ ریاستوں کی 59سیٹوں کے لئے یہ نوٹیفیکشن جاری کی۔ آخر ی مرحلے کی پولنگ 19مئی کو ہوگئی۔ نامزدگی داخل کرنے کی آخری تاریخ 29اپریل ہوگی اور کاغذات کی جانچ 30اپریل کو ہوگی جب کہ نام واپس لینے کی آخری تاریخ دو مئی ہے۔

آخری مرحلے میں پنجاب کی تمام تیرہ سیٹوں کے علاوہ اترپردیش کی تیرہ‘ مغربی بنگال کی نو‘ مدھیہ پردیش اور بہار کی آٹھ آٹھ سیٹوں، ہماچل پردیش کی تمام چار ‘ جھارکھنڈ کی تین اور چنڈی گڑھ کی ایک سیٹ کے لئے الیکشن ہوگا۔ چھٹے مرحلے میں بھی 59 سیٹوں پر پولنگ ہوگی۔