ملک میں کورونا کے ایکٹو کیسز کی تعداد 80 ہزار سے کم ہوئی

نئی دہلی، 03 مارچ ؛ملک میں کورونا انفیکشن کے معاملات میں مسلسل کمی کے درمیان، پچھلے 24 گھنٹوں کے دوران روزانہ متاثرہ مریضوں سے زیادہ مریض صحت یاب ہوئے ہیں، جس سے کورونا کے زیر علاج معاملات کی تعداد 80 ہزار سے نیچے آ گئی ہے۔

جمعرات کو وزارت صحت کی طرف سے جاری کردہ اعداد و شمار کے مطابق، گزشتہ 24 گھنٹوں کے دوران 8528 ایکٹو کیسز میں کمی آئی ہے جس سے ملک بھر میں 77,152 ایکٹو کیسز رہ گئے ہیں۔ گزشتہ 24 گھنٹوں کے دوران ملک بھر میں کورونا انفیکشن کے 6,561 نئے کیسز درج ہوئے ہیں، جب کہ اس سے 142 افراد کی موت ہوئی ہے، جس سے متاثرین کی کل تعداد 42938599 ہو گئی ہے اور اموات کی تعداد 514388 تک پہنچ گئی ہے۔ اب تک 42353620 لوگوں کو اس وبا سے نجات مل چکی ہے جب کہ 1,78,02,63,222 لوگوں نے کورونا ویکسین لی ہے۔

اس وقت ملک میں کورونا سے اموات کی شرح 1.20 فیصد ہے جب کہ 0.18 فیصد ایکٹو کیسز ہیں۔
کیرالہ میں پچھلے 24 گھنٹوں میں زیر علاج معاملوں کی تعداد 3248 کم ہو کر 22467 ہو گئی ہے۔ اس کے ساتھ ہی 5525 افراد کے صحت یاب ہونے کے بعد اس سے چھٹکارا پانے والوں کی تعداد 6416369 ہو گئی ہے جب کہ مرنے والوں کی تعداد 65597 ہو گئی ہے۔